О́tken jyly sharýashylyq gektaryna 20 sentnerden astyq jınaǵan bolatyn, bıyl qyrkúıektiń kúni ashyq bolsa mejelegen 24-28 sentner de bolyp qalatynyn aıtty sharýashylyq jetekshisi Iýrıı Chehovskıı. Astyq jınaýǵa sharýashylyq saqadaı saı otyr. Memleket tarapynan berilgen sýbsıdııa dıqandar qolyn uzartty. О́tken jyly sharýashylyq mal ónimderi men astyq óndirý úshin 85 mıllıon teńge sýbsıdııa alǵan edi, bıyl jyl basynan beri 87 mıllıon teńge kómek aldy. Biraq sharýashylyq jetekshisi mınıstrge tehnıka alýǵa sýbsıdııa berý jeńildetilse degen tilegin, sonymen qatar aldaǵy ýaqytta astyqtyń jergilikti elıtaly tuqymyna kóshý kerektigin aıtty. «Shemınovka» sharýashylyǵy astyq alqabynda bolǵan kezdesýge oblysqa belgili dıqan Ybyrash Estaev ta keldi. Oblysta astyq alqabyn ártaraptandyrýdy alǵashqylardyń biri bolyp qolǵa alǵan da Ybyrash Estaıuly bolatyn. Búginde 13 myń gektardyń 4 myń gektaryna qatty jáne jumsaq bıdaı septi, qalǵanynyń barlyǵy maıly jáne burshaq daqyldary.
Asqar Myrzahmetov Aqmola, Soltústik Qazaqstan jáne Qostanaı oblystary ákimderiniń orynbasarlaryn, sharýashylyq mamandaryn jınap, astyq jınaý naýqany men aýyl sharýashylyǵynyń shaǵyn mehanızasııasyn damytý máselesi jóninde jıyn ótkizdi. Bıyl elimiz boıynsha egis alqaby 22,1 mıllıon gektardy qurap otyr. Bul ótken jylmen salystyrǵanda 6 051 myń gektarǵa kóp. A.Myrzahmetov jıynda aldymen oblystardaǵy astyq jınaý naýqanyna daıyndyq barysyn tyńdady.
Sońǵy jyldary astyq sapasy tómendep ketken bolatyn, soǵan oraı bıyl tuqym ósirý sharýashylyǵyna bólingen bıýdjettik qarjynyń kólemi byltyrǵy jylmen salystyrǵanda 2 ese kóbeıdi. Oblystardaǵy bıdaıdyń elıtaly tuqymyn óndiretin ǵylymı-tájirıbe ortalyqtarynyń basshylaryn tyńdaǵan vıse-premer astyq sapasyn kóterý jumystaryn shıratý kerektigin aıtty.
– Ártaraptandyrý saıasaty sýbsıdııalaý mehanızmin ózgertýge oń yqpal etti. Atap aıtqanda, gektarlyq sýbsıdııadan shektelip, dıqandarǵa memlekettik qoldaýdy ónimge jáne óńdeýge berý arqyly qoldaý kórsetildi. Bıdaı – bizdiń brendimiz. Alaıda naryq suranymyn da eskerý kerek. Eksporttyq joǵary suranymǵa ıe maıly, burshaq daqyldardyń alqabyn keńeıtip, olardy ósirýdiń tehnologııasyn barynsha meńgerýimiz kerek. Agroónerkásip keshenin damytýdaǵy memlekettik baǵdarlamada aıtylǵan ár aqparat dıqandarǵa jetýi tıis, – dedi Asqar Isabekuly.
Bıyl elimizdegi astyq alqaptarynyń gektar aınalymy 12,6 sentnerden keledi dep boljanyp otyr. Soltústik óńirdegi Aqmola, Qostanaı, Soltústik Qazaqstan oblystarynda astyq úshin attanysqa daıyndyq jaqsy ekeni aıtyldy. Respýblıka boıynsha qajetti dızel otyny 393,9 myń tonna dep anyqtaldy, onyń ishinde Aqmola oblysy 70 myń tonna, Qostanaı oblysy 70 myń tonna, Soltústik Qazaqstan oblysy 75 myń tonna janar-jaǵarmaı alatyn bolady.
Premer-Mınıstrdiń orynbasary − Aýyl sharýashylyǵy mınıstri Asqar Myrzahmetov sapar barysynda «Mılh» sút zaýytynda bolyp, aýylsharýashylyq kooperatıvteri jumysynyń nátıjesine kýá boldy. Aýyl sharýashylyǵyn mehanıkalandyrý jáne elektrlendirý ǵylymı-zertteý ınstıtýtynyń Qostanaı fılıalyndaǵy tehnıkanyń jańa túrlerimen tanysty.
Názıra JÁRIMBET, «Egemen Qazaqstan» Qostanaı oblysy