Partııalyq jobalar – basty nazarda

Minbege birinshi bolyp kó­te­rilgen «Bilim» komıs­sııa­synyń tóraıymy, oblystyq más­lıhattyń depýtaty Ǵabýra Bós­tekovanyń aıtýynsha, úsh aýy­symdyq jáne apatty jaǵdaıdaǵy mektepterdiń máselesi tolyq sheshilgen. 3 pen 6 jastaǵy bal­dyr­ǵandardy mektepke deıingi mekemelermen qamtý 99,6 paıyzdy quraıdy. 

Ol óz sózinde qalada jumys isteıtin 125 qysqa merzimdi sha­ǵyn ortalyqtarda bilim, tár­bıe sapasynyń tómendigin aıta ke­lip, olardyń sanyn qysqar­týdy usyndy. Kerisinshe, «Bere­ke», «Jas órken» shaǵyn orta­lyq­ta­ry balabaqshaǵa muqtaj. ­Sol sııaqty 3 jasqa deıingi ba­la­qaı­lardy mektepke deıin­gi tár­bıemen qamtý jaıy da ót­kir kúıinde qalyp otyr. Mem­le­ket­-jekemenshik áriptestigi sheń­berinde 19 ǵana mekeme bar. Bul salada ilgerileý baıaý. Ási­­rese, pedagog kadrlarynyń jetis­peýshiligi aıqyn seziledi. Búgingi tańda 253 shtat bos tur. 47 matematık tapshy. Onyń birden-bir sebebine aýyldyq jerlerdegi oqýshylar sanynyń azdyǵy kóldeneń tartyldy. 

Oblystyq fılıal tóraǵasy, aımaq basshysy Qumar Aqsaqalov aýyldyq mektepterde 6-7 bala oqysa da, sapaly bilimmen qamta­masyz etý basty talap bolyp tabylatynyn, máseleni jan-jaqty saralaý qajettigin, oryn alǵan kemshilikterdi joıýǵa jer­gilikti atqarýshy oryndardy da jumyldyrýdy atap kórsetti. 

Oblystyq bilim basqar­masynyń basshysy Gúlmıra Ká­rimova óz habarlamasynda bilim berý salasynda 15846 muǵalim eńbek etetinin, olardyń 53 paıyzy joǵary jáne birinshi sanatqa ıe ekenin jetkizdi. Jańartylǵan baǵdarlama sheńberinde 8400 oqýshy bilim alǵan. Jańa oqý jylynan bastap 30 myń oqýshy qamtylmaq. «Dıplommen – aýyl­ǵa» baǵdarlamasy aıasyn­da byltyr 360 jas maman eldi mekenderge ornalastyryl­sa, bıyl 510 maman keledi dep kú­tilýde. Atqarylǵan jumystarǵa qara­mastan jas mamandardyń úlesi 3,8 paıyz ǵana. Olarǵa áleý­mettik qoldaý jan-jaqty jasal­maıtyndyqtan, turaqtaı ber­meıdi. Ýnıversıtet pen kol­ledjderde pedagog ma­man­dyq­tary az daıyndalatyny kóp­ten beri kóterilip keledi. Keı ma­man­dyqtar boıynsha 5-6 adam ǵana oqıdy. Ulttyq biryń­ǵaı tes­tileý qorytyndysy qanaǵat­tandyrmaıtynyn atap kórsetken Qumar Irgebaıuly jaǵdaıǵa taldaý jasaýdy júktedi. 

Mamlıýt aýdanynyń ákimi Erbolat Bekshenov pen «Nur Otan» partııasy Qyzyljar aý­dan­dyq fılıaly tóraǵasynyń birinshi orynbasary Danııar Ábý­tálip «Ardagerlerdi ardaq­taıyq!», «Kedergisiz keleshek» baǵdarlamalarynyń oryndalý barysy jaıly baıandady. Mamlıýt aýdanynda 25 is-shara ótkizilip, múmkindigi shekteýli 6 adam jumysqa ornalastyrylǵan. Ǵımarattarǵa qıyndyqsyz kirý únemi qadaǵalanyp otyrady. Qyzyljar aýdanynda je­ti joba boıynsha 236 shara uıym­dastyrylyp, olarǵa 7 myńnan astam adam qatysqan. 343 qarııa men 17 miskin janǵa turaqty qol­daý kórsetiledi. «Baqytty bala­lyq shaq» jobasy aıasynda 102 jetim bala qamqorlyqqa alyn­ǵan. Turǵyndardyń suranysyna zer salý, kúndelikti turmys-tir­shiligin bilý asa mańyzdy. О́ki­nish­ke qaraı, keı jerlerde bir mú­gedek jandy aı saıyn ju­mys­qa ornalastyryp, birneshe jańa jumys ornyn ashqan sııaqty esep berý faktileri kezdesedi, dedi fı­lıal tóraǵasy. Osy jaǵyn yq­tııat­taýdy mindettedi.

Fılıal tóraǵasynyń birinshi orynbasary Artýr Moldaǵulov saıası uıymnyń «Birlik. Turaq­tylyq. Jasampazdyq» atty saı­­laýaldy baǵdarlamasynyń 8 ba­ǵyty boıynsha partııalyq ký­r­a­tor­lardyń atqarǵan jumys­taryna taldaý jasap, keıbi­rine kóńil tolmaýshylyq bildir­di. Tapsyrylǵan ýchaskeler­ge júr­dim-bardym qaraǵan «In­dýs­trııa­lyq damý» komıssııasynyń tóraǵasy Qýanysh Bıshimov pen «Shaǵyn jáne orta kásip­ker­likti qoldaý» saraptama toby­nyń úılestirýshisi Gıýlaga Ildy­ry­movqa partııalyq jaza qoldaný usynysy maquldandy.

Q.Aqsaqalov aldaǵy ýa­qyt­ta mundaı depýtattardyń kýra­tor­lyqqa laıyqty-laıyqsyzdyǵyn sheshýdi tapsyrdy. Partııalyq jobalar sheńberinde júzege asy­rylatyn is-sharalardyń aýqym­dylyǵymen qosa, sapasy basty nazarǵa alynýyn erekshe eskertti.

О́mir ESQALI, «Egemen Qazaqstan» Soltústik Qazaqstan oblysy