«Nur Otan» partııasynyń Astana qalasyndaǵy «Saryarqa» aýdandyq fılıalynda elordalyq etnomádenı birlestikterdiń qatysýymen Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyn talqylaýǵa negizdelgen suqbattasý alańy bolyp ótti. Onyń barysy boıynsha aldaǵy atqarylatyn ister jan-jaqty pysyqtaldy.
Is-sharaǵa «Nur Otan» partııasynyń músheleri, memlekettik organdar men Astana qalasy etnomádenı birlestikteriniń ókilderi, BAQ qatysty.
Taǵylymdyq máni bar jıynda Astana qalalyq máslıhatynyń depýtaty, «Nur Otan» partııasy ǵylymı sarapshylyq tobynyń kýratory Z.G. Júsipova qazaq tiliniń latyn álipbıine kóshý máselesiniń negizgi túıinin tarqatyp aıtyp berdi. Sonymen birge, «Qyrǵyzstan-Astana» etnomádenı ortalyǵynyń tóraǵasy Sh.A. Ismaılov jastardyń qoǵamda alar ornyna keńinen toqtalyp, rýhanı jańǵyrý máselesine qatysty ózindik pikirin bildirdi: «Qazirgi jahandaný úderisine saı óte qarqyndy damyp kele jatqan ómir talabyna ilesý-bizdiń árbirimizge zor jaýapkershilik júkteıdi. Sondyqtan ózimizdiń tereńnen tamyr jaıǵan ulttyq tarıhı qundylyǵymyzdy saqtap, búgingi zaman talabyna beıimidele bilýimiz kerek»,-dedi ol.
Qazaqstannyń evolıýsııalyq damý jolynda ulttyq biregeılikti saqtaý óte mańyzdy ról atqarady. Osy jóninde jınalǵandar aldynda oı bólisken Astana qalasy ózbek etnomádenı ortalyǵynyń tóraǵasy Sh.A. Pýlatov árbir qazaqstandyqtyń kemel rýhanı jańǵyrýy elimiz biregeıliginiń negizgi tiregi bolyp sanalatynyn atady.
Suqbattasý alańyna qatysýshylar Elbasynyń baǵdarlamalyq maqalasynda atap kórsetilgen negizgi basymdyqtar týraly oı bólisip, ondaǵy qazaqstandyq patrıotızmniń qundylyqtaryna negizdelgen salt-dástúrler men ult birligin saqtaý mańyzdylyqtaryna erekshe toqtalyp ótti.
Jalpy tapsyrmalar týraly ózindik pikirin bildirgen Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalasy boıynsha departamentiniń basshysy A.R. Rahmatýllın bizdiń elimizdegi ultaralyq kelisim men birlikti nyǵaıtýda etnomádenı birlestikterdiń orny erekshe ekenin atap ótti.
Sondaı-aq, is-shara barysynda elordalyq etnomádenı birlestikterdiń qatysýymen birge sybaılas jemqorlyqqa qarsy kúres týraly beınetúsirilimniń kórsetilimi boldy.