Almatyda Elbasynyń baǵdarlamalyq maqalasy talqylandy

Sharaǵa uıǵyr halqynyń mádenıet qaıratkerleri men uıǵyr dıasporasynyń belsen­di­leri qatysty. Elbasy maqala­synda aıtylǵan basty baǵyttar osy basqosýdyń ózegine aınalyp, onda aıtylǵan maqsat min­det­terdi iske asyrýdyń tetik­­teri talqylandy. Báseke­ge qabi­lettilik, pragmatızm, ult­tyq biregeılikti saqtaý, bili­mniń saltanat qurýy, sananyń ashyqtyǵy sııaqty maqalada basa aıtylǵan taqyryptar jeke-jeke sóz boldy.

– Prezıdent maqalasynda aıtylǵan ár taqyryptyń orny bólek. Prezıdentimiz aıtqandaı, «Kúlli jer júzi bizdiń kóz aldymyzda ózgerýde. Álemde baǵyty áli bulyńǵyr, jańa tarıhı kezeń bastaldy. Kún sanap ózgerip jatqan dúbirli dúnıede sana-sezimimiz ben dúnıetanymymyzǵa ábden sińip qalǵan taptaýryn qaǵıdalardan arylmasaq, kósh basyndaǵy eldermen terezemizdi teńep, ıyq túıistirý múmkin emes». Shyn máninde, bul sóz­derde tereń mán bar. Zaman kóshi­ne ilesip jan-jaqty damyp jetilýimiz úshin álemdik ozyq tehnologııalardy ıgerip, ekonomıkamyz ben mádenıetimizdi odan ári óristetýimiz qajet. «Týǵan el», «Týǵan jer», «100 jańa esim», «100 jańa oqýlyq», sııaqty tyń bastamalar óziniń jemisti nátıjesin beredi dep oılaımyn. Bul maqsattardyń barlyǵy oıdaǵydaı iske asý úshin ár qoǵam múshesi óz isine adal bolýy kerek, – deıdi qala­lyq ardagerler keńesi tóraǵa­synyń orynbasary Alevtına Moıseeva.

Sharada sóz alǵan Almaty qalalyq ardagerler keńesiniń Mádenıet, ultaralyq tatýlyq jáne BAQ-pen baılanys boıynsha komıssııasynyń tóraıymy Ýasılııa Sadyqova: «Kóptegen ultty tatýlyqtyń besiginde terbetken Qazaqstanymyzdyń qaryshtap damýy jolynda árbirimiz tabandy túrde eńbek eteıik. Jas urpaqtarymyz oqy­syn, aldyna joǵary talap qoısyn, básekege qabiletti jan-jaqty bilimdi zııatker azamat bolyp qalyptassyn. Soǵan jaǵdaı jasaıyq. «Úsh tilde bilim berý», «Sıfrly Qazaq­stan», «Mádenı jáne kon­fessııaaralyq kelisim» syn­dy baǵdarlamalardy tolyq meń­ge­rý kóptegen bıikterdi baǵyndyrýymyzǵa sep bolady» dep óz oıyn ortaǵa saldy.

Osylaısha, máıekti máse­lelerdi keń maz­munda talqy­laǵan dóń­gelek ústelge qatysýshylar Prezı­denttiń «Bolashaqqa baǵ­dar: rýhanı jańǵyrý» maqalasy keleshe­gimizge nyq qadam ja­saý­ǵa, baǵyt-baǵdarymyzdy aı­qyndap, naqty maqsat-mindet qoıýmyzǵa yqpal etetin qundy qujat ekenin aıtyp tarqasty.

Arman OKTIаBR, «Egemen Qazaqstan»

ALMATY