Jolaýshy qaýipsizdigi – jaýapty mindet

«Burabay Express» elektr poıyzynda uıymdastyrylǵan is-sharada ózekti máselelerdiń mán-jaıyn bilikti mamandardan bilýge múmkindik týdy. Áńgime barysynda belgili bolǵandaı, jazǵy tasymalǵa daıyndyq 1 sáýirde bastalyp 31 mamyrǵa deıin jalǵasady. Osy kezeńde jóndeý uıymdary tehnıkalyq qyzmet kórsetedi. «Jolaýshylar tasymaly» AQ-nyń «Qala mańy tasymaldary» fılıaly jyljymaly quramdy kútip ustaý tobynyń bas menedjeri Dýlat Sársekeevtiń aıtýynsha, kompanııa 2 mynnan astam vagondy paıdalanýǵa beredi. Onyń 1300-i – standart, 700-den astamy – Talgo, 100-den astamy – motorvagondy jyljymaly quram (elektr poıyzy). Daıyndyq ýaqytynda «Vagonservıs» AQ jolaýshylar vagonyna, «Qamqor Lokomotıv» JShS elektr poıyzdaryna qyzmet kórsetedi.

«Árbir maman óz jumysyn atqarady. Barlyq elektrlik jabdyq tekserilip, aqaýlar túzetiledi. Akkýmýlıatorlar jazǵy rejimge aýystyrylady. Júrý bólikteri de tekseristen ótedi. Tejeý júıeleri rettelip, qozǵalys qaýipsizdigi qamtamasyz etiledi. Salon mamandary bekitpelerdi, terezelerdi, jalpy salonnyń jaǵdaıyn jiti qaraıdy. Kondısıonerleý júıeleri de qaıta iske qosylady», dep túsindirdi D.Sársekeev.

 Barlyq jumys bitken soń komıssııalyq tekseris júrgiziledi. Komıssııa quramyna jóndeý uıymdarynyń, sanıtarlyq qyzmet pen kompanııanyń ókilderi kiredi. Tekseristen keıin daıyndyq aktisi jasalady. Sodan soń jóndeý uıymy jaramdylyq týraly kepildik beredi. Bul rásimdersiz vagondar paıdalanýǵa berilmeıdi eken.

Jyljymaly quramdy jańartý 2014 jyldan  bastalǵan. Jańa vagondar elimizde óndiriledi. Biz otyrǵan Astana-Býrabaı baǵytyndaǵy «Burabay Express» poıyzy byltyr paıdalanýǵa berilgen. Munda jolaýshylarǵa barlyq jaǵdaı jasalypty. Vagondar jaılylyq deńgeıine qaraı úsh sanatqa bólinedi. Bizge buıyrǵan birinshi sanatta oryndyqtar óte jaıly, ınternet qosýly, ár orynda telefon qýattaýǵa bolady. Vagonnyń kire-berisinde shaǵyn kofe-bar ornalasqan. Poıyz bar bolǵany 2,5 saǵatta Býrabaıǵa jetip barady.

«Árbir reıstiń aldynda keshendi tazalyq jumysy júrgiziledi. О́rt qaýipsizdigi de tekseriledi. Vagonda klımattyq baqylaý júıesi ornatylǵan. Kún salqyn bolsa jylý beriledi, al kerisinshe ysysa – ish salqyndatylady. Sondaı-aq aqparattyq tablolar, mashınıspen baılanysý múmkindigi bar», deıdi D.Sársekeev.

Eń mańyzdysy, kompanııanyń aldaǵy jos­pary – barlyq eski quramdy jańasyna aýys­tyrý. Bul jospar 2030 jylǵa deıin tolyq iske aspaq.

Jol qaýipsizdigi de – ózekti másele. Temirjol ústinde bolǵan jazataıym jaǵ­daılar az emes. «QTJ» UK» AQ-nyń «Ma­gıstraldik jeli dıreksııasy» fılıaly­nyń qaýipsizdik jónindegi atqarýshy dırektory Serik Aıqynbekovtiń aıtýynsha, mundaı oqıǵalar jyl saıyn bolady. Adamdar bilmestikpen nemese ártúrli sebeppen poıyz astyna túsip, jaraqat alady ne jan tapsyrady.

«Osyndaı ókinishti jaǵdaılarǵa jol bermeý maqsatynda jyl basynan beri 16 myńǵa jýyq adamǵa aqparattyq-túsindirý jumysyn júrgizdik. Oqý jyly da aıaqtalýǵa shaq. Sol sebepti balalarǵa da erekshe kóńil bólemiz. 1 sáýirden bastap elimizdiń barlyq óńirinde 40-qa jýyq top qurylyp, temirjol bo­ıynda ornalasqan myńnan astam mektepte túsindirý jumysyn júrgizip jatyr», deıdi S.Aıqynbekov. Maman temirjoldan óterde arnaıy belgilengen oryndar – kópirler men ótkelderdi paıdalaný kerek ekenin eskertedi.

Infraqurylym da birshama jetilip jatyr eken. 2030 jylǵa deıin 11 myń shaqyrym temirjoldy jańartý jospary belgilenipti. Jyl saıyn 1,5 myń shaqyrym jol jańarady. Oǵan túrli deńgeıdegi jóndeý jumysy kiredi.

«Keıingi jyldary jol sapasy aıtarlyq­taı jaqsardy. Byltyr 2024 jylmen salys­tyrǵanda qaýipsizdik kórsetkishteri shamamen 10%-ǵa artty. Aıyna eki ret mobıldi dıagnostıkalyq keshen joldarǵa tekseris júrgizedi. Sonyń nátıjesinde byltyr ótken jylǵa qaraǵanda oqys oqıǵalar sany 20% azaıdy. Infraqurylym sebep bolǵan apat múlde tirkelgen joq. Túrli buzýshylyqtar da 50%-ǵa deıin qysqardy», deıdi S.Aıqynbekov.

Temir jol ústindegi suhbattan sala mamandary qarbalas kezeńge joǵary deńgeıde da­ıyn ekenin ańǵardyq. Ásirese qaýipsizdik pen qyzmet sapasyna muqııat nazar aýdarylady. Sonda ǵana sapar senimdi ári jaıly bolmaq.