Keshe Premer-Mınıstr Baqytjan Saǵyntaevtyń tóraǵalyǵymen Úkimet janyndaǵy Joǵary ǵylymı-tehnıkalyq komıssııanyń kezekti otyrysy ótti, dep habarlady Premer-Mınıstrdiń baspasóz qyzmeti.
Otyrys barysynda qazirgi kezdegi ǵylymdy damytýdyń basym baǵyttary, sondaı-aq, ǵylymdy odan ári qarjylandyrý máseleleri men elimizde farmasevtıkalyq klasterdi damytý maqsatynda ázirlengen Bilim jáne ǵylym mınıstrliginiń «2018-2020 jyldarǵa arnalǵan biregeı dári-dármekterdi ázirleý men olardy zertteý nátıjelerin kommersııalandyrý» baǵdarlamasynyń ǵylymı-tehnıkalyq jobasy talqylandy.
Eske sala keteıik, Úkimet janyndaǵy Joǵary ǵylymı-tehnıkalyq komıssııa Úkimet qaýlysymen 2011 jylǵy 20 sáýirde qurylǵan jáne ol – Qazaqstan Úkimeti janyndaǵy konsýltatıvtik-keńesshi organ. Komıssııa otyrystary qajettiligine baılanysty jylyna kem degende eki ret ótkiziledi.