Sulýlar kıgen kıimderde arab mádenıetine saı órnekter men tabıǵat ornamentiniń belgileri úılesim tapqan. Arab kóılekteri túrli-tústi jibek matalardan tigilgen. Qatarlyq kıimderdiń úlgisin qazaqstandyq arýlar kıip shyqty. Álem boıynsha jeti derbes sán kórsetilimin jasaǵan Ýádihanyń kıim úlgilerindegi altyn tústes áshekeıler kózdiń jaýyn aldy.
«Men sońǵy toptamamdaǵy 10 dástúrli kóılegimdi kórsettim. Olar zamanaýı úlgide jasalǵan. Mysaly, toptamada úılený toıynda kıetin jasyl tústi kóılek bar. Kóılekterimniń kóbi jyltyr. Jalpy, men qyzyl, jasyl, sary sııaqty ashyq tústerdi qoldanǵandy unatamyn. Kıimniń jıegine oıý-órnekti altyn jippen qolmen tigemin. Sán salasynda júrgenime on jyldaı ýaqyt boldy. Qatardyń dástúrli kıim úlgilerin kórsetip júrgen tuńǵysh arab áıelimin desem, artyq aıtqanym emes», deıdi dızaıner.