Bıylǵy jazda Shymkent qalasyndaǵy Qazaqstan halqy Assambleıasynyń ǵımaratynan bastaý alǵan mádenı kerýen saparynyń bir qanatynda aǵaıyn, dostarmen qaýyshý, olardyń tirshiligimen tanysý bolsa, ekinshi qanatynda kórshi respýblıkanyń tarıhynda búgingi táýelsizdikke sonaý orta ǵasyrlarda qaharmandyqpen qyzmet jasaǵan handar men bılerdiń, batyrlardyń zırattaryna zııarat jasaý boldy.
Baǵdarlamaǵa saı Tashkenttegi «Qarlyǵash bı» atanǵan Tóle bıdiń, «Nuratadaǵy» Áıteke bıdiń, áýlıe atanǵan basqa da uly tulǵalardyń arýaqtaryna arnalyp birneshe jerde as uıymdastyrylyp, Quran baǵyshtaldy. Tashkent, Samarqand, Buhara oblystaryndaǵy ataýlardyń (jer, sý attary) burynǵy qalpynan ózgermeı turýy ózbek, qazaq halyqtarynyń ejelden týysqan, baýyr ekendigin pash etkendeı.
О́zbekstannyń eń sulý ólkelerin aralap, tamashalaǵan meımandar baýyrlastarynyń zor yqylasy men qurmetine rıza boldy.
Sapar dáýletine azamattyǵy saı shymkenttik kásipker Bádirıtdın Nyshanqulovtyń (osy sapardyń bas demeýshisi) bastaýymen sheber uıymdastyrylyp, rýhanı-mádenı demeýshilik jasaǵan basqa da azamattarǵa jurt dán rıza boldy. Ásirese, shymkenttik Hamraqul Davranbekov, saıramdyq Tursynqoja Hanqojaev, túrkistandyq aqyn Zeınolla Erkebalaev, Babajan Iаkýbov kóńildi án, bı, óleń, kórkemsóz oqý ónerlerimen kópshilikke shattyq, qýanysh syılady. Bul azamattarǵa qarsy alýshylar men sapardy uıymdastyrýshylar tarapynan marapat jasaldy. О́zbekstan qalalaryndaǵy dostyq sherýinde kópshilikpen birge bolyp, tanystyq, tanymdyq qyzmet jasaǵan Tashkenttegi Qazaq mádenı ortalyǵy basqarma bastyǵynyń orynbasary Hamza Hamraqulov, Tashkent oblystyq ákimdiginiń jaýapty qyzmetkeri Baqytjan Polatov kóptiń kóńilinen shyqty.
Nurmahan NAZAROV,
Qazaqstannyń mádenıet qaıratkeri
Ońtústik Qazaqstan oblysy