Qabyldaýǵa «Nur Otan» partııasy Sarysý aýdandyq fılıaly tóraǵasynyń orynbasary Qýanysh Qulbekov, Jańatas qalasy ákimi apparatynyń bólim basshysy Rýslan Qozbaǵarov jáne t.b. qatysty.
Halyq qalaýlysy M.Sársenov qazaqtyń «qol jumylmaı – jylynbaıdy» degen danalyq sózin bir sát te esten shyǵarmaı, ózine senim artqan sarysýlyqtarǵa qolynan kelgenshe kómek berip keledi.
Halyq qalaýlysy M.Sársenov qoǵamdyq qabyldaýǵa qatysqan kisilerdiń ótinish-aryzdaryn baıyppen tyńdap, jastarǵa aqyl-keńesterin, jyly sózderimen qatar mamandyqtyń jamandyǵy joq ekenin, kez kelgen mamandyq boıynsha jumys isteı berýge shaqyrdy.
Qoǵamdyq qabyldaýǵa kelgen zeınetker, ekinshi top múgedegi Ardager Bekmaǵanbetov «Kóktal» saýyqtyrý ortalyǵyna emdelýge kómek suraı kelgenin aıtqan soń, oblystyq máslıhat depýtaty M.Sársenov elý paıyzdyq jeńildik beriletinin jetkizdi. О́tinishiniń oryndalǵanyna rıza bolǵan qarııa halyq qalaýlysy M.Sársenovke rızalyq alǵysyn bildirdi. Sondaı-aq, qabyldaýda bolǵan Symbat Maqash, Álııa Quttybaeva, Vera Iаsvılko, Serik Beısenbaev, Baǵdat Qasymbekov, Orazbek Musabekov, Araılym Nuǵymanova, Dınara Bekmaǵambetova jumysqa ornalasýǵa jáne páter alýǵa kómek kórsetýin surap, tilek-ótinishterin bildirdi.
M.Sársenov qabyldaýda bolǵan bıyl ǵana qyzyl dıplommen bitirip kelgen jáne buryn kombınatta jumys istep, keıin basqa jumysqa aýysyp, qaıtyp kelgen azamattardy jáne dıplomdary kombınatta jumys isteýge saı keletin jastardy jumysqa qabyldaýǵa kómek beretinin jetkizdi. Al dıplomy joq jastardyń bilimin jetildirip, jumyspen qamtý ortalyǵyna tirkelip, sol arqyly jumysqa ornalasýǵa bolatynyn da túsindirdi. Qabyldaýda bolǵan Nesibeli Toqqulıeva balasyn jumysqa ornalastyrýǵa kómek berýin surasa, «Saýdakent» eldi mekeninen kelgen Baqyt Týlbaev ta óziniń jumysqa ornalasqysy keletindigin jetkizdi. Qalamqas Nurjanova da óziniń jáne kúıeýiniń jumyssyz otyrǵanyn aıtty. Sondaı-aq, kúıeýiniń jumysqa jaramsyz, múgedektigin de jetkizdi.
Jalpy, Muratqalı Sársenov qoǵamdyq qabyldaýda bolǵan on eki kisiniń barlyǵynyń aryz-shaǵymdaryn muqııat tyńdap, tıisti sharalar qabyldaı otyryp, qoǵamdyq qabyldaýda bolǵan kisilerdiń aryz-ótinishteri aldaǵy ýaqytta oń sheshimin tabatynyn aıtty.
Qudaıbergen MÁMBETOV,
Jambyl oblysy,
Jańatas qalasy