Búgin Parlamenttiń birlesken otyrysynda qazaq álipbıin latynshaǵa aýystyrý máselesi talqylandy. Latyn álipbıi boıynsha Sh.Shaıahmetov atyndaǵy respýblıkalyq ortalyq qyzmetkerleriniń, sondaı-aq syrttan shaqyrylǵan turǵyndar arasynda birneshe ret aprobasııa júrgizildi. Bul týraly Májiliste «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý barysynda atalǵan ortalyqtyń dırektory Erbol Tileshov málimdedi.
«Jańa álipbı nusqasy negizinde Sh.Shaıahmetov atyndaǵy respýblıkalyq ortalyq qyzmetkerleri jáne syrttan shaqyrylǵan turǵyndar arasynda birneshe ret aprobasııa júrgizildi. Oǵan qatysýshylardyń kópshiligi osy nusqaǵa qoldaý bildirdi», dedi Erbol Tileshov.
Ol jańa álipbı qabyldaý, bir tańbalardy ekinshi tańbalarmen ǵana aýystyrý emes, osyǵan deıingi álipbılerde ketken emlege qatysty qatelikterdi durystaý ekenin aıtty. Sonymen qatar, álipbı jasaý jáne ony engizýmen birge jańa jazý erejeleri de qabyldanýy tıistigin alǵa tartty.
«Qazaq álipbıiniń latyn grafıkasyndaǵy nusqasyn daıyndaý boıynsha ártúrli sala mamandarynan, mekemelerden kóptegen usynystar boldy. Memlekettik tildiń biryńǵaı standartty álipbıiniń nusqasyn tańdaýda eń aldymen ǵylymı prınsıpter negizge alyndy. Sonyń nátıjesinde qazaq tiliniń dybystyq júıesine, jalpy álipbı túzýdiń teorııasy men praktıkasyna qurylǵan nusqa tańdap alyndy», dedi ol.
Onyń aıtýynsha álemniń jetekshi elderi qoldanyp júrgen álipbı Qazaqstanǵa engiziler bolsa, maqsatqa jetý qıyn bolmaq. Sondyqtan dıgraftardy qoldaný arqyly qazaqtyń tól dybystaryn saqtap qalýǵa bolady. Otyrysta Erbol Tileshov qazaqtyń tól dybystaryn latyn álipbıinde qoldanylý barysyn túsindirip ótti.
«Memlekettik tildiń biryńǵaı standartty álipbıiniń nusqasyn tańdaýda eń aldymen ǵylymı prınsıpter negizge alyndy. Sonyń nátıjesinde qazaq tiliniń dybystyq júıesine, jalpy álipbı túzýdiń teorııasy men praktıkasyna qurylǵan nusqa tańdap alyndy. Biz latyn álipbıine kóshý boıynsha komıssııa músheleri aqyldasa kelip 25 dybystan turatyn álipbı nusqalaryn jasap shyqtyq. Onda qazaqtyń ń, q, ǵ, ó, á qatarly dybystyq tańbalaryn latyn álipbıinde qalaı jazylatyndyǵy kórsetildi. Mysaly á – ae, ó – oe, ǵ – gh, ch – ch, j – zh, sh – sh, ú – ue túrinde qoldanylýy qıyndyq týdyrmaıdy. Al orys tilinen engen s, f, h, v sekildi áripter de latyn álipbıinde qoldanys tabady» dedi Erbol Tileshov.
Aıta keteıik, dıgraf – eki árippen tańbalanatyn dybys.