Jaıyq ózeniniń jaǵasyna bes jańa jattyǵý qurylǵylary ornatyldy, - dep habarlaıdy Atyraý oblysy óńirlik kommýnıkasııa qyzmeti.
"Sport aıaldamalary" "Atyraý Aqparat", ortalyq dene shynyqtyrý-saýyqtyrý kesheni men oblystyq əkimdik mańyndaǵy jaǵalaýlardan oryn aldy. Oblystyq dene tərbıesi jəne sport basqarmasynyń basshysy Azamat Bekettiń aıtýynsha, salamatty ómir saltyn nasıhattaıtyn mundaı qurylǵylar Eýropa elderinde qoldanysqa ıe.
Qurylǵylar júgirýmen aınalysatyn qala turǵyndaryna arnalǵan. Sol jerde aıaldap, jattyǵý qurylǵylaryn paıdalana alady.
- Bul basy ǵana. Eger halyq arasynda suranysqa ıe bolsa, taǵy da ornatamyz. Qala kəsipkerleri memleket basshysynyń "Bolashaqqa baǵdar:rýhanı jańǵyrý" maqalasyna belsendi ún qosty, osyndaı qurylǵylar ornatýǵa bastama kóterdi,- deıdi Azamat Beket.
Jattyǵý qurylǵylary óte yńǵaıly jəne yqsham jasalǵan. Bir qurylǵynyń ózinde týrnık, qossyryq, shved qabyrǵasy, kerme syndy birneshe tetik bar. Sporttyq qurylǵyda əleýmettik jarnama ornatylatyn qalqan da bar.
Eske salaıyq, 2013 jyly Atyraýda 30-dan astam buzýǵa tózimdi sporttyq jattyǵý qurylǵylary ornatylǵan edi. Qazir olar balalar men jasóspirimder arasynda da, úlkender arasynda da keń qoldanysqa ıe.