Qazaqstan Prezıdentiniń Jarlyǵymen bıylǵy tamyzda ókilettigi toqtatylǵan depýtattar Muhtar Altynbaev, Ikram Adyrbekov, Nurtaı Ábiqaev, Lıýdmıla Poltorabatkoǵa Parlament Senatynyń Alǵys hattary men Qurmet gramotalary tabys etildi, dep habarlady Parlament Senatynyń baspasóz qyzmeti.
Parlament Senatynyń Tóraǵasy Qasym-Jomart Toqaev olardyń zań shyǵarý úderisterin jetildirýdegi sińirgen eńbegin joǵary baǵalaı kelip, parlamenttik qyzmeti úshin alǵys aıtty.
«Sizder el ıgiligi úshin tereń bilimderińiz ben mol tájirıbelerińizdi aıamaı, Memleket basshysynyń tapsyrmalaryn, ózderińizge júktelgen mindetterdi adal oryndap kelesizder. Memleket táýelsizdigin nyǵaıtý men halyq ıgiligi jolynda sińirgen eńbekterińiz bolashaq depýtattyq korpýsqa, urpaqqa úlgi bolady», – dedi Senat basshysy.