EKSPO-2017 kórmesi kezinde temir jol kóligimen Astana qalasyna jolaýshylardy tasymaldaý ósimi oblysaralyq baǵyttar boıynsha 23%-ǵa, al halyqaralyq baǵyttar boıynsha 10%-ǵa ulǵaıdy.
Atap aıtqanda, Astana qalasyna temir jol kóligimen 1,46 mln jolaýshy keldi. Elimizdiń aımaqtarynan 1,43 mln jolaýshy, TMD memleketterinen 31,3 myń jolaýshy keldi.
Jolaýshylar kóp kelgen aımaqtar da anyqtaldy. Almaty qalasy men Almaty oblysynan 245 myń jolaýshy, ońtústik aımaqtardan 207 myń, Pavlodar oblysynan 176 myń, Aqmola oblysynan 173 myń, Qostanaı oblysynan 160 myń, Qaraǵandy oblysynan 125 myń jáne Shyǵys Qazaqstan oblysynan 105 myń jolaýshy saparlaǵan.
Sonymen qatar, Aqtóbe men Atyraý oblystarynan qatynaıtyn poıyzdarmen saparlaǵan jolaýshylar sany artqan. Bul kezeńde Astanaǵa Aqtóbeden 57 myń, Atyraýdan 47 myń jolaýshy kelgen.
Aıta ketý kerek, kórme uıymdastyrylǵan kezeńde jolaýshylar tasymalyn qamtamasyz etý úshin Astana qalasyna júretin baǵyttardyń sany 44-ten 57-ge deıin kóbeıtilip, 13 jolaýshy jáne qala mańy poıyzy iske qosyldy.