Kanadanyń Toronto qalasynda mánerlep syrǵanaýdan ótip jatqan Autumn Classic International týrnıri máresine jetti. Qazaqstandyq Elızabet Tursynbaeva týrnırde qola medalǵa ıe boldy. Bul týraly Elızabettiń ákesi feısbýk paraqshasyna jazdy.
Elızabet qysqa jáne negizgi baǵdarlama qorytyndysy boıynsha 181 upaı jınady. Altyn júldeni kanadalyq Keıtlın Osmoýnd (217,55) alsa, kúmisti japonııalyq Maı Mıahara (199,02) enshiledi.
Halyqaralyq týrnırge álemniń 12 elinen 16 fıgýrıst qatysyp, óner kórsetti. Sarapshylar atalǵan týrnırde birinshilikke umtylǵandardyń ishinde alty úzdik sportshyny atady. Olardyń ishinde qazaqstandyq Elızabet Tursynbaeva da bar.
Aıa О́mirtaı,
«Egemen Qazaqstan»