Qaraǵandyda HH ǵasyrdyń 20-30 jyldarynda latyn álipbıimen jazylǵan tarıhı-derekti qujattardyń kórmesi ótti, dep habarlaıdy QazAqparat.
Kórmeni Qaraǵandy oblystyq memlekettik arhıviniń qoryndaǵy qujattar negizinde «Bolashaq» akademııasy uıymdastyrdy. Oǵan ótken ǵasyrda latyn grafıkasymen basylyp shyqqan qujattar, gazet-jýrnaldar qoıyldy, sondaı-aq «Rýhanı jańǵyrý» jobasyna arnalǵan jeke burysh uıymdastyryldy.
Kórme «Bolashaq» akademııasy stýdentteriniń jáne professor-oqytýshylar quramynyń úlken qyzyǵýshylyǵyn týdyrdy. Oblystyq arhıv ókili Jazıra Akıjanova 1929 jylǵa deıin qazaq tiliniń latyn grafıkasyn qoldaný tarıhy jóninde baıandap berdi. Sonymen qatar, is-shara barysynda «Bolashaq» akademııasynyń professory, fılologııa ǵylymdarynyń kandıdaty Qurmanǵazy Sembıev pen zań ǵylymdarynyń kandıdaty Eleýjan Serimov atalǵan taqyryp boıynsha suraqtarǵa jaýap berip, jan-jaqty túsinik berdi.