Din isteri jáne azamattyq qoǵam mınıstri Nurlan Ermekbaev «Rýhanı jańǵyrý» respýblıkalyq jastar aksııasyn qorytyndylady.
Aqtaý qalasynda, Kaspıı teńiziniń jaǵalaýynda «Rýhanı jańǵyrý» jastar aksııasy máresine jetti.
Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasyn qoldaý úshin ótkizilgen aksııa aıasynda elimizdiń myńdaǵan jastary birigip, sharany naǵyz merekege aınaldyrdy.
Is-shara jastardy biriktirý kúsh ǵana emes, sonymen qatar, mańyzdy qoǵamdyq shara retinde tanyldy.
«Aksııany ótkizý – tarıhymyzdyń jańa kezeńine bastaǵan qadamdarymyzdyń biri», dedi Nurlan Ermekbaev.
Budan bólek, mınıstr Memleket basshysynyń qoldaýymen elimizde jastardyń sapaly bilim alýy jáne jetistikterge jetýi úshin qolaıly jaǵdaı jasalyp otyrǵanyn atady.
Aksııanyń mańyzy tereńnen bastaý alady, bular adam boıyndaǵy asyl qasıetterdi, ıaǵnı mahabbat, otansúıgishtik, jaýapkershilik, bilimdilik, týǵan jerdi, onyń salt-dástúri men ádet-ǵurpyn, tarıhyn qurmetteý. Olarsyz turaqty, qalypty jáne órkendeýshi qoǵam qurý múmkin emes.
Sóz sońynda mınıstr «Rýhanı jańǵyrý» jalpyrespýblıkalyq jastar aksııasynyń aıaqtalýymen sáıkes kelgen Aqtaý qalasynyń 54 jyldyq mereıtoıymen turǵyndardy quttyqtady, sonymen qatar Mańǵystaý oblysy basshylyǵyna alǵys bildirdi.
Eske sala keteıik, aksııa elimizdiń barlyq óńirlerinde 4 baǵyt boıynsha ótti: «Bilim», «Asar», «Taǵzym», «О́ner». Aksııa sheńberinde 700-den astam is-shara uıymdastyrylyp, oǵan 70 myńnan astam jastar qatysty.
«Egemen-aqparat»