Búgin Májilistiń Spıkeri Nurlan Nyǵmatýlınniń tóraǵalyǵymen jalpy otyrys ótip, birinshi oqylymda bıýdjettik zańnamany jetildirý boıynsha túzetýler maquldandy.
Depýtattar Zań jobasyn talqylaý barysynda Ulttyq ekonomıka mınıstrligine birqatar máselelerdi qoıdy. Jalpy otyrysta qarajattyń ıgerilmeýi, tıimsiz oryndaý jáne kvazımemlekettik sektordyń qarjylaryn baqylaý týraly aıtyldy.
- Bıýdjet qarjylarynyń tıimsiz ıgerilýine qatysty naqty ólshem bolý kerek. Áıtpese, sizder Bıýdjet Kodeksinde túsinik retinde usynyp otyrǵan «nátıjelilik», «jaýapkershilik», «perspektıvti» sııaqty jalpylama sózder aýqymdy memleket qarjysyn bólý kezinde naqty dálel bola almaıdy. О́ıtkeni, olardyń eshqaısynyń tájirıbelik, qoldanbalyq sıpaty joq. Al, sýbektıvti baǵalaýdyń sońy jaqsylyqqa aparmaýy múmkin. Eger qarjy bir memlekettik organnan basqa organǵa qaıta bólinetin bolsa, ne úshin olaı bolǵanyna, ne sebepten tıimsiz oryndalǵanyna jáne sońǵy nátıjesiniń qalaı bolǵandyǵyna jaýap berýimiz kerek. Osydan keıin ǵana jeke jaýapkershilikke qadam jasaı alamyz,-dedi Májilis Spıkeri Ulttyq ekonomıka mınıstri Tımýr Súleımenovke.
Odan ári N. Nyǵmatýlın ekinshi oqylymǵa deıin «tıimsiz oryndaý» túsiniginiń qarjygerlerge de, qarapaıym azamatqa da túsinikti naqty anyqtamasyn tujyrymdaý qajettigine toqtaldy.
Talqylaý kezinde kvazımemlekettik sektor qarajattar kóleminiń Ulttyq ekonomıka mınıstrligi deńgeıinde ǵana kelisiletindigi synǵa alyndy. Spıkerdiń aıtýynsha Prezıdent birneshe márte Úkimetke baqylaýǵa alýǵa tapsyrǵan memlekettik zaım máseleleri taǵy da mınıstrlik deńgeıine túsip otyr. Mınıstrlik usynyp otyrǵan redaksııa Elbasynyń bıýdjetti baqylaý jónindegi nusqaýlarymen sáıkes kelmeıdi. Sondyqtan, bul normany Prezıdent tapsyrmasyn esepke ala otyryp, qaıtadan tııanaqtaý qajet.
Talqylaýdy qorytyndylaı kele, Májilis Tóraǵasy zań jobasynyń bıýdjet shyǵystarynyń tıimdiligin túbegeıli arttyrýǵa jáne bıýdjettik rásimderdi ońaılatýǵa baǵyttalýynyń mańyzdylyǵyn atap ótti.
Osyǵan baılanysty N.Nyǵmatýlın bıýdjet qarajatyn ıgerýdiń tıimdiligin qatań baqylaýǵa alý kerektine basa nazar aýdardy.
-Bizge naqty nátıje kerek. Ol turǵyn úıler, mektepter, bala-baqshalar, aýrýhanalar salý. Sonda ǵana Elbasynyń bólingen qarjylar ekonomıkany damytýǵa, azamattardy jumyspen qamtýǵa jáne halyqtyń ál-aýqatyn arttyrýǵa jumys isteý kerektigi jónindegi tapsyrmasyn júzege asyramyz,-dedi Palata Spıkeri.
Tutastaı alǵanda «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy bıýdjettik zańnamalardy túzetýdi qarastyrady, onyń ishinde salalar boıynsha atap aıtsaq, kvazımemlekettik sektorǵa bólinetin qarajattardyń tıimdiligin arttyrý; memlekettik jáne memlekettik kepildikti qaryzdy retteýdi jáne t.b. sııaqty salalar.
Sonymen qatar búgin ótken jalpy otyrysta Ustap berý týraly konvensııany ratıfıkasııalaý týraly Zań jobasy halyq qalaýlylary tarapynan qoldaýǵa ıe boldy.
Otyrys aıasynda Májilis jańa zań jobalaryn jumysqa alyp, olar boıynsha beıindi komıtetterge qorytyndy ázirleý merzimderin belgiledi. Ol zańnamalyq túzetýler saqtandyrý jáne saqtandyrý qyzmeti máseleleri týraly.
Sondaı-aq, jańa zań jobalary men ratıfıkasııalanatyn aktiler qatarynda - TMD qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etý týraly Zań jobalary bar.
Jalpy otyrys sońynda birqatar halyq qalaýlylary ortalyq memlekettik organdardyń basshylaryna depýtattyq saýaldar joldady. Olar B.Smaǵul, V.Kosarev, I.Smırnova, M.Bopazov, R.Kım, K.Qaraken, N.Jumadildaeva, M.Qazbekova, A.Qońyrov, E.Barlybaev, A.Platonov, B.Izmuhambetov, B.Máken, A.Perýashev, Q.Erjan.