Aqparat jáne kommýnıkasııalar mınıstri Dáýren Abaev Býenos-Aıreske jumys sapary aıasynda Elektr baılanysyn damytý boıynsha búkilálemdik konferensııa sheńberinde ekijaqty kezdesýler ótkizdi, dep habarlaıdy vedomstvonyń baspasóz qyzmeti.
Mınıstr 8 qazanda Halyqaralyq elektr baılanysy odaǵynyń Bas hatshysy H. Djaomen kezdesti. Kezdesýde Qazaqstannyń aýyldyq eldi mekenderin optıkalyq-talshyqty jelilermen qamtý máselesi talqylandy.
Sonymen qatar, Dáýren Abaev Japonııanyń Ishki ister jáne kommýnıkasııalar mınıstrliginiń Úılestirý jáne halyqaralyq baılanys jónindegi Vıse-mınıstri Masahıro Tomınagamen kezdesti. Ekijaqty kezdesý barysynda aqparat, aqparattyq-kommýnıkasııalyq ınfraqurylym jáne ınternettegi zańsyz kontentke qarsy turý máseleleri talqylandy.
«Japonııa buqaralyq aqparat quraldaryn damytý salasynda mol tájirıbesi bar eldiń biri. Ásirese bizdi Japonııanyń osy saladaǵy zańnamasyn damytý joldary qyzyqtyrady. Búgin Japonııanyń telekontenti álemde AQSh-tan soń 2-shi orynda tur. Sondaı-aq biz Japonııanyń sıfrlyq habar taratý salasyndaǵy tájirıbesimen de tanysqymyz keledi», - dedi mınıstr Dáýren Abaev ekijaqty kezdesý barysynda.