Kógildir otyn qashan keledi?

Bul shynynda da «ǵasyr jobasyna» turarlyq úlken sharýa boldy. Osy jo­banyń arqasynda buryn múl­dem gazdandyrylmaǵan Ońtústik Qazaqstan oblysynyń 8 aýda­nyn­daǵy 284 eldi mekenniń 700 myńǵa jýyq halqy kógildir otynmen qamtamasyz etiledi dep josparlanǵan. Ol týraly resmı aq­parattarda da, buqaralyq aq­parat quraldarynda da ta­laı ret aıtylyp, jazylyp, bórk­i­mizdi aspanǵa ata qýanyp, tur­ǵyn­dar óz rızashylyqtaryn bildirdi. 

Biraq 2013 jyldan beri 7 av­to­matty gaz taratý stan­sa­lary salynǵanymen, búgin­gi tańda josparlanǵan turǵyn­dardyń tek 4%-y, ıaǵnı 52 myń halyq qana kógildir otynmen qamtamasyz etildi. Iаǵnı tórt jyl ótse de tarıhı jobanyń tikeleı aýyl turǵyndaryn kógildir otynmen qamtamasyz etý maqsaty oryndalmaı otyr. 

Jergilikti atqarýshy or­gan­dar arqyly 121 eldi mekendi gazdandyrýdyń joba­lyq-sme­talyq qujattary daıyn­da­lyp, 20 joba qujattaryna mem­­le­kettik saraptamadan oń qory­tyn­dy­lar alynǵan. Barlyq joba­­lyq-smetalyq qujattardy ázir­leýge jáne 5 avtomatty gaz tara­tý stansalary qurylysy­na ob­ly­styq bıýdjet esebi­nen 16 mlrd teńgeden astam qar­jy jum­­­salǵan. Osy qujat­tar negi­zin­de 23 eldi mekendegi 121 myń­n­an astam halyqty kó­gil­­­d­ir otyn­men qam­tamasyz etý úshin 10,9 mlrd teńge qajettiligi týyn­­dap otyr. 

 О́kinishke qaraı Energetıka mınıstrligi tarapynan oblys ákimdigi usynǵan bıýdjet ótini­mi qoldaý tappaı, 2018-2021 jyl­darǵa arnalǵan res­pýb­­lı­ka­l­yq bıýdjetke kir­meı qalǵan. Bul – atalǵan joba­­nyń aldaǵy úsh jylda da tur­­ǵyn­d­ardy tabıǵı gaz­ben qamt­amasyz etýge arnal­ǵan ne­giz­gi maq­saty­nyń oryn­dal­­maı qalý qaý­pin týdy­ryp, joba­lyq-smetalyq qu­jat­­tar­dyń jasa­lýy­na ketken qy­rýar qarjy­nyń negizsiz shy­ǵyn bolýyna ákep soǵýy múmkin. Ońtústik Qazaqstan oblysy tur­ǵyndarynyń ótinishin eske­re otyryp, osy máselege Premer-Mınıstr Baqytjan Saǵyn­taevtyń nazaryn aýdar­typ, aýyl otbasylaryn tabıǵı gazben qamtamasyz etý maq­satynda atalǵan qarjy kólemin aldaǵy úsh jyldyń bıýdjetine engizýge yqpal etýin surap, depýtattyq saýal joldadyq. 

Álı BEKTAEV, senator