Taldyqorǵan qalasy I.Jansúgirov atyndaǵy Jetisý ýnıversıteti sport kesheninde sadaq atýdan erler men áıelder arasynda komandalyq jarys máresine jetti. Oǵan elimizdegi joǵary oqý oryndarynan 10 áıelder men erler komandasy sapynda 70 sportshy qatysty.
Erler arasynda jalpy komandalyq esep boıynsha I.Jansúgirov atyndaǵy Jetisý ýnıversıteti mergenderi aldyna jan salmaı, jarys tuǵyrynyń joǵary bıigine kóterildi. Ekinshi orynda – M.Áýezov atyndaǵy Ońtústik Qazaqstan memlekettik ýnıversıteti sportshylary. Úshinshi oryndy Ońtústik Qazaqstan memlekettik pedagogıkalyq ınstıtýty mergenderi ıelendi.
Áıelder arasynda ótken jalpy komandalyq esepte I.Jansúgirov atyndaǵy Jetisý ýnıversıteti názik jandy sportshylary Ýnıversıada chempıony atandy. Ekinshi oryndy M.Áýezov atyndaǵy Ońtústik Qazaqstan memlekettik ýnıversıteti sportshylary ıelendi. Úshinshi orynda – Ońtústik Qazaqstan memlekettik pedagogıkalyq ınstıtýty mergenderi.
Marapattaýlardy I.Jansúgirov atyndaǵy Jetisý ýnıversıteti dene shynyqtyrý jáne óner fakýltetiniń dekany E.Q.О́tegenov. QR BǴM Ulttyq ǵylymı-praktıkalyq dene tárbıesi ortalyǵy oqý-sport jumystary zerthanasynyń bas jattyqtyrýshysy M.Adilbekov, jarystyń bas tóreshisi N.M.Saıdıev jáne jarystyń bas hatshysy E.Drozdovalar júrgizdi.
Komandalar Ýnıversıada dıplomdarymen, medaldarymen jáne kýbokpen marapattaldy.