Astanaǵa resmı saparmen kelgen Iordanııa Koroli Abdalla II Parlament Senatynyń Tóraǵasy Qasym-Jomart Toqaevty qabyldady.
Senat Tóraǵasy Iordanııa Korolin Taıaý Shyǵystaǵy beıbitshilikti, turaqtylyqty jáne qaýipsizdikti qamtamasyz etý isine qosqan Abdalla II-niń kúsh-jigeri atap ótilgen Prezıdent Nursultan Nazarbaevtyń Iаdrolyq qarýsyz álem jáne jahandyq qaýipsizdik úshin syılyǵynyń berilýimen quttyqtady. Q.Toqaev Sırııadaǵy jaǵdaıdy retteý jónindegi Astana kelissózderin Ammannyń qoldaýyn erekshe atap ótti.
Parlament joǵary Palatasynyń Tóraǵasy Álemdik jáne dástúrli dinder lıderleriniń 2015 jylǵy V Sezine belsendi qatysqany úshin Iordanııa Koroline rızashylyǵyn bildirdi. Senat Tóraǵasy mártebeli meımandy 2018 jyly ótkizý kózdelip otyrǵan VI Sezd týraly habardar etti. Onda jahandyq qaýipsizdikti qamtamasyz etýdegi, ekstremızm men terrorızmge qarsy is-qımyldaǵy dinı jáne saıası qaıratkerlerdiń rólin qarastyrý josparlanyp otyr.
Abdalla II Prezıdent N.Nazarbaevpen bolǵan kezdesýdiń qorytyndylaryn joǵary baǵalady, onyń nátıjesinde qol qoıylǵan kelisimder bizdiń elderimiz arasyndaǵy saıası jáne saýda-ekonomıkalyq baılanystardy damytýǵa jańa serpin beretini týraly pikir aıtty.
Iordanııa Koroli dinaralyq únqatysýdy ilgeriletýge, Shyǵys pen Batys arasyndaǵy ózara túsinistikti ornatýǵa Qazaqstan zor úles qosyp kele jatqanyn atap ótti.
Júzdesýshiler ekijaqty jáne halyqaralyq kún tártibindegi máselelerdi talqylady.