Bul týraly búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysy barysynda QR ulttyq ekonomıka mınıstri Tımýr Súleımenov málimdedi.
Bıyl tamyz aıynda QR Parlamentine MJÁ tetikterin odan ári jetildirý men jeńildetý boıynsha zań jobasy usynyldy. Májilis atalǵan zań jobasyn maquldady jáne qazirgi tańda ol Parlament Senatynyń qaraýyna jiberilgen.
Zań jobasy birqatar ázirleý kezeńderin alyp tastaý arqyly rásimderdi ońtaılandyryp, jobalardy bekitýge baǵyttalǵan. Bul MJÁ jobalarynyń bekitý jáne saraptamalar merzimderin qazirgi jeti aıdan úsh aıǵa deıin qysqartýǵa múmkindik beredi.
Budan ózge, zań jobasynda tutyný kepildigin úsh jáne odan kóbirek jylǵa berý qarastyrylǵan. Ol ınvestorlardyń kóp jyldyq kapıtal jumsalymyn josparlaýǵa múmkindik beredi.
Jalpy, buryn ázirlengen 10 úlgilik jobaǵa jańa kelisimsharttar túrleri boıynsha tórt qosymsha joba ázirlendi: avtomobıl joldaryna servıstik qyzmet kórsetý, medısınalyq jabdyqtar lızıngi, emhanany senimgerlikpen basqarý, mektepterge servıstik qyzmet kórsetý. Endi óńirler kórsetilgen qujattamany úlgi retinde paıdalana alady. Bul konkýrstyq qujattama men sharttardy ázirleý merzimin ońtaılandyrýǵa múmkindik beredi.
Budan ózge, baǵdarlamalyq MJÁ engizý jumystary bastaldy. Qazir salalyq memlekettik organdar memlekettik baǵdarlamalar arqyly ózderiniń standarttalǵan MJÁ jobalaryn erekshe josparlaý rásimderin salalyq erekshelikterdi eskerip ornata alady. Atalǵan tetik jalpyǵa belgilengen tártipte qarastyrylǵan, saraptamadan ótý qajetinsiz, josparlaýdy qysqa merzimde belgileýge múmkindik beredi.
Bıyl mamyr aıynda ınvestorlarǵa arnalǵan MJÁ jobalarynyń biryńǵaı bazasy iske qosyldy, ol respýblıka boıynsha sátti iske asyrylǵan jobalardyń tájirıbesin tırajdaýǵa múmkindik beredi. Osy jyly qol qoıylǵan kelisimsharttar boıynsha eleýli ilgerileý baıqalýda. Sonymen qatar MJÁ naryǵyn odan ári jandandyrý úshin «Baǵdarlamalyq MJÁ» iske asyrý úshin pılottyq salalardy ázirleý jumystary júrgizilip jatyr: senimgerlik basqarýǵa berýge jatatyn nysandardyń jáne jańa nysandar boıynsha 2016–2019 jyldarǵa arnalǵan «Densaýlyq» memlekettik baǵdarlamasy aıasynda daıyn jobalyq-smetalyq qujattamanyń bolýyn eskerý arqyly densaýlyq saqtaý salasynda, sondaı-aq, 2016–2019 jyldarǵa arnalǵan bilim men ǵylymdy damytý memlekettik baǵdarlamasy aıasynda orta bilim berýde «jan basyna shaqqandaǵy qarjylandyrý» júıesin engizý boıynsha pysyqtalyp jatqan máseleni eskerý arqyly bilim berý salasynda iske asyrylady.
Otyrys barysynda atqarylǵan jumystardyń aralyq qorytyndysy týraly QR densaýlyq saqtaý mınıstri Eljan Birtanov, ınvestısııalar jáne damý mınıstri Jeńis Qasymbek, «Atameken» UKP basqarma tóraǵasy Abylaı Myrzahmetov, QR ulttyq banki tóraǵasy Danııar Aqyshev, Qaraǵandy oblysynyń ákimi Erlan Qoshanov, Batys Qazaqstan oblysynyń ákimi Altaı Kólginov, Premer-Mınıstr orynbasary Erbolat Dosaev baıandady.
Máseleni qaraý qorytyndysy boıynsha Baqytjan Saǵyntaev ulttyq ekonomıka mınıstrligine jobalardy irikteý krıterııin pysyqtap, barlyq uıymdastyrý sharalaryn rettep otyrýdy tapsyrdy. Jyl sońyna qaraı barlyq baǵyttar, oblystar men mınıstrlikter boıynsha kórsetilgen ındıkatorlarǵa qol jetkizý qajet.