Aqparat jáne kommýnıkasııalar mınıstri Dáýren Abaev halyqqa qyzmet kórsetý jumysyn jetildirý máseleleri boıynsha «Azamattarǵa arnalǵan úkimet» memlekettik korporasııasynyń jumys keńesine qatysty. Jıynda korporasııanyń basqarma tóraǵasy Abylaıhan Ospanov baıandama jasap, aldaǵy ýaqytta qazaqstandyqtar SMS arqyly aqparat alý negizinde derbes sheshim qabyldaı alatynyn málimdedi.
«Aqparat jáne kommýnıkasııa mınıstrligimen birlesip, memlekettik organdar men jeke uıymdarǵa «Elektrondy úkimet» portaly arqyly qyzmet alýshynyń ruqsaty boıynsha anyqtama berý qyzmetin júzege asyrý josparlanýda. Atalǵan shara Halyqqa qyzmet kórsetý ortalyqtary qyzmetkerleriniń qyzmet kórsetýge qatysýyn joıady. Turǵyndar SMS arqyly aqparat alý boıynsha derbes sheshim qabyldaı alady», dedi baıandamashy. Onyń aıtýynsha, memlekettik organdar men jeke uıymdarǵa, ekinshi dárejeli bankterge «Elektrondy úkimet» portaly arqyly qyzmet alýshynyń ruqsaty boıynsha anyqtama berý elektrondy anyqtama berýdi 21,5 mıllıonǵa qysqartady.
«Qazirgi tańda járdemaqy taǵaıyndaý kezinde bank esebiniń nómirin kórsetýdi suraıdy. Integrasııa nátıjesinde atalǵan anyqtamany qyzmet alýshylarǵa alý mańyzdylyǵy joıylady. Jalpy, «Sıfrlyq Qazaqstan» baǵdarlamasyn júzege asyrý aıasynda memlekettik korporasııa memorgandarmen birlesip qyzmet kórsetýdi belsendirýge kóshý baǵytynda aýqymdy jumystar júrgizýde. Bolashaqta bul qyzmetter avtomatty túrge aýysady», dedi basqarma tóraǵasy.
Jaqynda Almaty turǵyny qalalyq HQKO qyzmetkeri bank qyzmetkerine ol týraly aqparat bergenin kezdeısoq bilip qalǵanyn málimdegen bolatyn. Sodan keıin korporasııa ókilderi mundaı jaǵdaıǵa jol berilmeý qajettigin aıtyp, kináliler jaýapqa tartylatynyn habarlaǵan. Jumys keńesinde Aqparat jáne kommýnıkasııalar mınıstri Dáýren Abaev kópshiliktiń Halyqqa qyzmet kórsetý ortalyqtaryna degen senimin joǵaltyp almaý kerektigin basa aıtty. «Bul – óte mańyzdy qadam, barlyǵy jaýapkershilikti túsinedi. Bizdiń halyqtyń qyzmet kórsetý ortalyqtaryna degen senimderine selkeý túsirmegenimiz abzal. Meniń oıymsha bul shara barlyǵymyzdy biriktirip, taǵy da saraptamadan ótkizýge jáne naqty aqparat berýge múmkindik beredi degen oıdamyn», dedi D.Abaev.
Mınıstr «Azamattarǵa arnalǵan úkimet» memlekettik korporasııasynyń basqarma tóraǵasy Abylaıhan Ospanovqa orynbasaryna sógis berýdi tapsyrdy. Sonymen qatar mundaı jaǵdaı qaıtalanbas úshin on kún ishinde naqty usynys daıarlaýdy mindettedi.
Ashat RAIQUL, «Egemen Qazaqstan»