Bilim jáne ǵylym mınıstrligine jekelegen bıýdjettik baǵdarlamalar boıynsha bólingen respýblıkalyq bıýdjet qarajatynyń, sondaı-aq kvazımemlekettik sektor sýbektileri aktıvteriniń paıdalanylý tıimdiligine júrgizilgen memlekettik aýdıttiń qorytyndylary shyǵaryldy.
Joǵary jáne JOO-dan keıingi, tehnıkalyq jáne kásiptik bilim berýdi, sonymen qatar orta jáne mektepke deıingi bilim berýdi damytýǵa bólinetin bıýdjet qarajatyn paıdalaný máselelerinde birqatar júıelik problemalardyń bar ekeni atap ótildi.
2016 jyly 2015 jylmen salystyrǵanda Dúnıejúzilik ekonomıkalyq forýmnyń jahandyq básekege qabilettilik ındeksi reıtınginde bilim berý júıesi sapasynyń kórsetkishteri boıynsha Qazaqstan pozısııasynyń nasharlaýyna jol berilgen. «Bilim berý júıesiniń sapasy», «Menedjment mektepteriniń sapasy» jáne «Joǵary bilimmen qamtý» nysanaly ındıkatorlaryna qol jetkizilmegen.
2016 jyldyń qorytyndysy boıynsha mınıstrlik Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasynda josparlanǵan kórsetkishterge úsh aýysymda sabaq ótkizetin mektepterdiń úlesin tómendetý jáne memleket-jekemenshik áriptestigi jobalarynyń sanyn ulǵaıtý bóliginde qol jetkizbegen.
Orta bilimnen keıingi, joǵary jáne joǵarydan keıingi bilim berý salasynda mamandar daıyndaý boıynsha memlekettik bilim berý tapsyrysyn ornalastyrýdy mınıstrlik respýblıka óńirlerindegi olarǵa degen qajettilikterdi esepke almaı júzege asyratyndyǵy anyqtaldy. Belgilengen ólshemsharttar memlekettik tapsyrysty úzdik oqý oryndarynda tolyqqandy ornalastyrýǵa múmkindik bermeıdi.
Ýákiletti memlekettik jáne jergilikti atqarýshy organdardyń tıisti deńgeıdegi ózara is-qımylynyń bolmaýynan joǵary, JOO-dan keıingi, tehnıkalyq jáne kásiptik bilim beretin oqý oryndary túlekteriniń jumysqa ornalasý deńgeıi tómen kúıinde qalýda.
Kadrlardy daıarlaý boıynsha memleket-jekemenshik áriptestigi júıesin damytýǵa baǵyttalǵan tıisti sharalar qabyldanbaýda, barlyq múddeli taraptardy tartýdy kózdeıtin ınstıtýttyq tetik ázirlenbegen.
Mınıstrliktiń kásiptik bilim beretin jetekshi mekemelerdiń jelisin qurýdy qamtamasyz etpegeni atap ótildi. Atap aıtqanda, 2013 jyldan bastap О́skemen, Ekibastuz jáne Shymkent qalalarynda óńiraralyq kásiptik ortalyqtardyń, 2015 jyldan bastap Astana jáne Almaty qalalaryndaǵy álemdik deńgeıdegi kolledjderdiń qurylysy toqtatylǵan.
2016 jyly «Aqparattyq-taldamalyq ortalyq» AQ somasy 10,4 mln teńgege «Úshtildilikti engizý jónindegi halyqaralyq tájirıbeni zertteý jáne tilderdi úıretý ádisnamasyn ázirleý» memlekettik tapsyrmasyn oryndaý boıynsha alǵan mindettemeleriniń tolyq jáne tıisinshe oryndalýyn qamtamasyz etpegen.
Pavlodar, Ońtústik Qazaqstan oblystarynyń jáne Astana, Almaty qalalarynyń qurylys jáne bilim basqarmalary, Shymkent qalasynyń jáne Saıram aýdanynyń qurylys bólimderi jalpy somasy 208,6 mln teńgege taýarlardy jetkizýdi, oryndalǵan jumystardy rastaýdyń anyqtyǵyn qamtamasyz etpegen.
Memlekettik aýdıt qorytyndysy boıynsha somasy 16,9 mlrd teńgege qarjylyq buzýshylyqtar, bıýdjet qarajatyn tıimsiz paıdalaný – 43,2 mlrd teńge jáne jalpy somasy 26,7 mlrd teńgege 147 rásimdik buzýshylyq faktileri anyqtaldy.
Memlekettik aýdıt barysynda 5,9 mlrd teńge qalpyna keltirilip, ótelgen, sonyń ishinde respýblıkalyq bıýdjet kirisine 285,1 mln teńge ótelip, jumystardy oryndaý, qyzmetter kórsetý, taýarlardy jetkizý arqyly býhgalterlik esep boıynsha 5,1 mlrd teńge qalpyna keltirilgen.
Otyrys qorytyndysy boıynsha Bilim jáne ǵylym mınıstrligine anyqtalǵan buzýshylyqtardy joıý boıynsha sharalar qabyldaý, bıýdjet jáne ózge de zańnama talaptarynyń saqtalýyn qamtamasyz etpegen laýazymdy adamdardyń jaýaptylyǵyn qaraý tapsyryldy, sondaı-aq basqa da birqatar tapsyrmalar berildi.
Memlekettik aýdıttiń birqatar materıaldary quqyq qorǵaý organdaryna jáne ákimshilik quqyq buzýshylyqtar týraly isterdi qaraýǵa ýákiletti organdarǵa prosestik sheshimder qabyldaý úshin jiberiletin bolady, dep habarlady Esep komıtetiniń baspasóz qyzmeti.