Baqytjan Saǵyntaev eksportty damytý máseleleri jóninde keńes ótkizdi

Keńes barysynda aýyl sharýashylyǵy ónimderi men olardy qaıta óńdeý ónimderiniń eksportyn damytýdyń keshendi ulttyq júıesin iske asyrý baǵyttary talqylandy. Eksporttyq áleýetke ıe taýarlardyń «eksporttyq qorjyny» qaraldy.

Aýyl sharýashylyǵy ónimderi men olardy qaıta óńdeý ónimderiniń eksporty 2017 jyldyń qańtar–tamyz aralyǵynda $1 347,9 mln boldy. 2016 jyldyń osy kezeńimen salystyrǵanda AО́K ónimderi eksportynyń 10,6% paıyzǵa ($1205,9 mln-nan $1 347,9 mln deıin), sonyń ishinde aýyl sharýashylyǵy ónimderin qaıta óńdeý ónimderi 9,9 paıyzǵa ($563,1 mln-nan $625 mln deıin) artqany baıqalady. Eksport qurylymy boıynsha negizgi kólem bıdaı (28,3%) men unǵa (21,0%) tıesili.