Asqar Mamın Ázerbaıjan prezıdentiniń qabyldaýynda boldy

A.Mamın Ázerbaıjan pre­zı­dentine Qazaqstan Prezıdenti N.Nazarbaevtyń sálemi men izgi tilekterin jetkizdi. 

I.Álıev te Qazaqstan Prezı­den­tine ystyq yqylasyn bildi­rip, Elbasynyń bıylǵy sáýir­degi Bakýge resmı sapary Qazaq­stan – Ázerbaıjan elderiniń ara­syn­daǵy qarym-qatynasqa tyń serpin bergendigin atap ótti. 

Kezdesý barysynda eki el ara­syn­daǵy saýda-ekonomıkalyq qa­ty­nas­tardyń barlyq salasyn da­mytýdyń bolashaǵy talqy­landy.

«Ázerbaıjan Qazaqstannyń Kavkaz óńirindegi iri strategııalyq seriktesi», deı kelip A. Mamın qa­zirgi tańda Qazaqstan-Ázerbaıjan qarym-qatynasy barlyq salada joǵary qarqynmen damyp kele jatqanyna toqtaldy. 

Kezdesý barysynda Qazaqstan Premer-Mınıstriniń birinshi orynbasary Qazaqstan-Ázer­baı­jan Úkimetaralyq komıssııa­synyń eki el arasyndaǵy 2017-2020 jyldarǵa arnalǵan saýda-ekonomıkalyq Jol kartasyn jasaǵanyn habarlady.

I.Álıev Qazaqstannyń Trans­kaspıı halyqaralyq kólik dáli­ziniń áleýetin tıimdi paıdala­ný­daǵy Baký −Tbılısı – Kars jeli­siniń zor mańyzyn atap ótti.

«Quryq porty arqyly avto­kólik jáne avtomobıl joldaryn paıdalanýǵa berý Azııa − Eýropa baǵytyndaǵy júk aǵynyn edáýir kóteredi. Bıylǵy 10 aıda port arqyly júk tasymaldaý kólemi 2,5 esege artyp, 1 mıllıon 650 myń tonnany qurady. 2020 jylǵa qaraı konteınerlik tasymal kólemin 300 myń JFE-ge jetkizý kózdelýde», dedi A. Mamın.

Kezdesýde eki el arasyndaǵy kólik-logıstıkalyq jáne te­mir jol mashınasyn jasaý sala­syn­daǵy qatynastyń tabysty eken­digi atap ótildi.

«Saýda aǵyndaryn zamanaýı logıstıkalyq ınfraqurylymmen qamtamasyz etý jáne sapaly qyz­met kórsetý tranzıttik dálizge qa­tysýshy elderdiń jańa naryqty tez meńgerip, júk aǵyndaryn tartýy úshin júktiń jetkizilý jyldamdyǵy men baǵasynyń arzandaýyna septigin tıgizedi», dep atap ótti A. Mamın.

Taraptar Aqtaý, Quryq já­ne Alıat porttaryndaǵy qyzmet­ter­di japsarlas atqaryp, kom­mer­sııalyq tartymdylyǵyn kóterý arqyly júk tasymaldaýshylarǵa qolaıly jaǵdaı jasaý kerektigine nazar aýdardy. 

Kezdesýde taraptar taýar aınalymyn ári qaraı ósire tú­sý úshin qajetti sharalardy qa­byldap, Qazaqstan astyǵynyń jy­lyna 1 mıllıon tonnasyn eks­portqa shyǵarý kólemin qalpyna keltirýge ýaǵdalasty. 

Taraptar sonymen qatar ınvestısııa salasyndaǵy, agrarlyq-ónerkásip sektoryndaǵy, munaı-gaz salasyndaǵy qatynasty odan ári damytý máselelerin tal­qy­lady.