Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasynyń Prezıdenti janyndaǵy Memlekettik nagradalar jónindegi komıssııanyń otyrysy ótti. Bul týraly akorda.kz habarlady.
Basqosýda memlekettik organdardyń, uıymdar men qoǵamdyq birlestikterdiń memlekettik nagradalarmen marapattaý jónindegi usynystary qaraldy.
Komıssııa Qazaqstan Respýblıkasynyń memlekettik nagradalaryn belgileý jáne joıý týraly usynystardy, nagrada máseleleri jónindegi zań jobalaryn jáne basqa da normatıvtik quqyqtyq aktilerdi, Qazaqstan Respýblıkasynyń memlekettik nagradalarymen marapattaý týraly usynymdardy qaraıtyn Qazaqstan Respýblıkasynyń Prezıdenti janyndaǵy konsýltatıvtik-keńesshi organ bolyp tabylady.
Jıyn qorytyndysy boıynsha Komıssııa músheleri marapattaý úshin Memleket basshysyna usynylatyn kandıdattardy anyqtady.
Memlekettik nagradalardy tapsyrý rásimi qalyptasqan dástúrge sáıkes Táýelsizdik kúni qarsańynda ótedi.