Taý-ken metallýrgııa salasyndaǵy kásiporyndar 2017 jyldyń sońyna qaraı qazaqstandyq úles kólemin 66,98%-ǵa deıin ulǵaıtýdy josparlap otyr.
Qazaqstan Respýblıkasynyń eń iri taý-ken metallýrgııalyq kompanııalarynyń úlesi 2017 jyldyń 9 aıy ishinde 64,02%-dy qurady. Osy tusta «Kazakhmys Holding» JShS, Eurasian Resources Group, «KazZinc» JShS, KAZ Minerals Toby jáne «Qazaqaltyn» TKMK» AQ syndy kompanııalardyń jıyntyq kórsetkishi týraly aıtylyp otyr. Aqshalaı sanaǵanda qazaqstandyq jetkizýshilerden satyp alynǵan taýarlar, jumystar men qyzmetterdiń quny 570 mlrd teńgeden asty. 2017 jyldyń sońyna qaraı joǵaryda atalǵan kompanııalardyń boljanǵan jıyntyq kórsetkishi 66,98%-dy nemese 951,76 mlrd teńge quramaq.
Taý-ken metallýrgııa salasyndaǵy jergilikti kórsetkishin sapaly túrde ulǵaıtý máselesi 2017 jyldyń 23 qarashasynda Astanada ótetin «Qazaqstandyq ónim jasaımyz» atty jyl saıynǵy forýmda kóterilmek.
Is-shara 7 jyl ishinde halyqaralyq jáne otandyq jetkizýshilerge arnalǵan jalpy respýblıkalyq dıalog alańyna aınalyp úlgerdi. О́tken jylǵy forýmdar otandyq óndirispen baılanysty máselelerdi jete túsinip, damytý úshin jaǵdaı jasady. Qalyptasqan dástúrge saı is-shara aıasynda jergilikti óndiristiń jetistikteri men múmkindikterin ashyp kórsetýge arnalǵan qazaqstandyq ónimdi shyǵaratyn kásiporyndar men jetkizýshilerdiń kórmesi ótedi.
Forýmǵa qatysatyn spıkerler:
Baqytjan Saǵyntaev – QR Premer-mınıstri;
Alık Aıdarbaev – QR Investısııalar jáne damý jónindegi birinshi vıse-mınıstri;
Nıkolaı Radostoves – «Taý-ken óndirýshi jáne taý-ken metallýrgııalyq kásiporyndardyń respýblıkalyq qaýymdastyǵy» ZTB atqarýshy dırektory.
Edýard Ogaı - «Qazaqmys Holdıng» JShS dırektorlar keńesiniń tóraǵasy
Aldııar Qaztaev – "Eýrazııalyq Top" JShS Baqylaýshylar keńesiniń tóraǵasy
Igor Radovıch – «KazZinc» JShS kommersııa jónindegi atqarýshy dırektory
Krıs Broýdı – KAZ Minerals toby jabdyqtaý jónindegi dırektory
Balamır Mahanov – «Qazaqaltyn» TMK AQ Bas dırektory
«Qazaqstandyq ónim jasaımyz» forýmynyń alańynda taý-ken metallýrgııa salasyndaǵy 100-den asa kompanııa bas qosady dep josparlanǵan. Forým ımport almastyrýmen baılanysty basty qajettilikterdi belgilep, osy arqyly shaǵyn jáne orta bıznestiń ary qaraıǵy qyzmet aıasyn anyqtaıtyndyqtan, is-sharany ótkizý Qazaqstan Respýblıkasynyń ekonomıkasynda asa mańyzdy ról oınaıdy.