Búgin Astanadaǵy Elbasy kitapxanasynda «Nursultan Nazarbaev. Bıografııa» kitabynyń ázerbaıjan tiline aýdarmasynyń tusaýkeser rásimi ótti, dep habarlaıdy Egemen.kz.
Kitapty ázerbaıjan tiline Halyqaralyq Túrki akademııasynyń usynysymen belgili jýrnalıst, I.Gaspyraly atyndaǵy syılyqtyń laýreaty Aıda Eıvazova aýdardy.
«Men Túrki álemi úshin áıgili tulǵa týraly kitapty aýdarý baqytyna ıe bolyp otyrǵanyma óte qýanyshtymyn. Nursultan Ábishuly – álem adamy. Kitapty aýdaryp otyryp uly tulǵadan sabaq alǵandaı áserde boldym», - deıdi Aıda Eıvazova.
Kitaptyń tusaýyn kitaptyń avtory QR Prezıdenti Keńsesiniń bastyǵy, Tuńǵysh Prezıdent - Elbasy kitaphanasy dırektorynyń mindetin atqarýshy, professor Mahmud Qasymbekov pen Ázerbaıjan Respýblıkasy Prezıdentiniń qoǵamdyq-saıası máseleler jónindegi kómekshisi Álı Gasanov kesti.
«Keıbir uly tulǵalardyń ómiri búkil halyqtyń tarıhı ómirin tyń arnaǵa buryp jatady. Ázerbaıjan halqynyń basshylyǵyna qıyn-qystaý kezeńde jalpyulttyq kóshbasshy Geıdar Alıev kelse, qazaqtyń baǵyna Nursultan Nazarbaev basshy boldy. Ol toqsanynshy jyldary qazaqtardy tıtýldy ult retinde kóterdi. «Nurly kósh» baǵdarlamasy arqyly shettegi qazaqtardy tarıhı otanyna shaqyrdy. Qazaqstanda ázerbaıjan azamattary ózgemen teń ómir súrip, saıası jáne qoǵamdyq jumystarǵa belsene atsalysyp keledi. Qazaqstan halqy Assambleıasy ınstıtýtyn qurǵan Nursultan Ábishulynyń eńbeg erekshe», dedi Álı Gasanov.
Týyndy 2012 jyly jaryq kórgennen bastap orys, aǵylshyn, vengr, arab, nemis, serb jáne fransýz tilderine aýdarylǵan bolatyn. Kitap Nursultan Nazarbaevtyń ómiri men qyzmetin resmı tarıhı-ómirbaıandyq turǵydan zertteýdegi alǵashqy tájirıbeni usynady. Onda qarapaıym aýyl balasynan ult kóshbasshysyna deıingi joly egjeı-tegjeıli qarastyrylǵan. HH-HHI ǵasyrlar toǵysyndaǵy Qazaqstannyń damýyn dramalyq jáne eleýli oqıǵalar, úderister, tarıhı ótkenge sholýmen baıandaıtyn Elbasynyń saıası ómirine erekshe den qoıylǵan. Keńeıtilgen aýqymdy muraǵattyq materıaldar negizinde daıyndalǵan Elbasy ómirbaıany Qazaqstannyń jańa tarıhy boıynsha mańyzdy qujattyq derekkóz bolyp tabylady. Onda maǵynaly fotosýretter, materıaldarymen qatar, alǵash ret tarıhı turǵyda sıpattalǵan oqıǵalarǵa kóz júgirtýge múmkindik beretin jeke qujattardyń týra kóshirmesi usynylǵan.