Transparency International jemqorlyqpen kúres jónindegi úkimettik emes uıymy halyqaralyq KVN odaǵynyń prezıdenti «Planeta KVN» Aleksandr Maslıakovqa qatysty zertteý isin tanystyrdy.
Onda burynǵy «Gavana» kınoteatry bolǵan ǵımarattyń «Aleksandr Maslıakov ı kompanııa» televızııalyq shyǵarmashylyq birlestiginiń jekemenshigine zańsyz túrde ótkendigi jóninde aıtylǵan. Al bul ǵımaratty 2011 jyly Reseı Prezıdenti Vladımır Pýtın KVN klýbynyń 50 jyldyq mereıtoıyna oraı tartý etken bolatyn.
Zertteý isinde atalǵan ǵımarattyń Máskeý jekemenshigi retinde tirkelgenin aıtady. Ǵımarat kúrdeli jóndeýden ótkizilgennen keıin «Moskovskıı molodejnyı sentr “Planeta KVN”» bekitilgen múlikke menshik quqyǵy berilmegen kommersııalyq uıym qaramaǵyna beriledi. Atalǵan kásiporynnyń jetekshisi bolyp taǵaıyndalǵan Aleksandr Maslıakov kınoteatr ǵımaratyn «AMıK» TShB menshigine ótkizip jibergen. Al Transparency International onyń basshylyq quzyretin kásipkerlik maqsatta paıdalanýǵa quqyǵy bolmaǵanyn atap ótedi.
KVN baspasóz qyzmeti Aleksandr Maslıakovtyń dırektorlyq qyzmetten prokýratýra tekserisinen soń emes, óz erkimen ketkenin aıtady. Sonymen birge onyń atyna túsken aryz-shaǵym týraly da ázirge eshteńe belgisiz. Prokýratýra ótinishi qaralyp jatqan ýaqytta ol kásiporyn dırektorlyǵy qyzmetinen ketip qalǵandyǵy aıtylǵan baspasóz qyzmeti taratqan habarda.