QR Din isteri jáne azamattyq qoǵam mınıstri Nurlan Ermekbaevtyń buıryǵymen Erkin Ánýaruly Ońǵarbaev QR Din isteri jáne azamattyq qoǵam mınıstrliginiń Din isteri jónindegi komıtetiniń tóraǵasy bolyp taǵaıyndaldy, dep habarlaıdy Úkimettiń baspasóz qyzmeti.
Erkin Ońǵarbaev 1961 jyly Ońtústik Qazaqstan oblysynda dúnıege kelgen.
Ár jyldary memlekettik organdarda, ǵylymı-zertteý uıymdarynda, joǵarǵy oqý oryndarynda túrli qyzmetter atqardy.
2007 jyldan 2010 jylǵa deıin Qazaqstan Respýblıkasynyń Bilim jáne ǵylym mınıstrliginiń Ǵylym komıtetine tóraǵalyq etti. Sondaı-aq, «Parasat» Ulttyq ǵylymı-tehnologııalyq holdıngi» AQ atqarýshy dırektory, «Astana» ýnıversıtetiniń rektory, L.N.Gýmılev atyndaǵy Eýrazııa ulttyq ýnıversıtetiniń prorektory qyzmetterin atqardy.
2017 jyldyń shilde aıynan bastap QR Din isteri jáne azamattyq qoǵam mınıstrliginiń Din isteri jónindegi komıteti tóraǵasynyń mindetin atqarýshy bolyp keldi.
Zań ǵylymdarynyń doktory ǵylymı ataǵynyń ıesi, «Qurmet» ordeni men «Qazaqstan Respýblıkasynyń eńbek sińirgen qaıratkeri» ataǵynyń ıegeri.