Elimizde Memlekettik qyzmet isteri jáne sybaılas jemqorlyqqa qarsy is qımyl agenttigi bilim berý salasyndaǵy sybaılas jemqorlyqtyń aldyn alý boıynsha keń aýqymdy memlekettik saıasat júrgizýde.
Taıaýda atalǵan agenttik «Nazarbaev Ýnıversıteti» AAQ-men birlesip Qazaqstan Respýblıkasynyń barlyq JOO-da telekópir ótkizgen bolatyn. Shara barysynda Qazaqstannyń barlyq mektepterinde, kolledjderinde, joǵarǵy oqý oryndarynda sybaılas jemqorlyqqa qarsy jappaı aksııa ótkizý jónindegi bastama jarııalandy.
Osyǵan oraı Bilim jáne ǵylym mınıstrliginiń qoldaýymen búkil el boıynsha «Sybaılas jemqorlyqtyń aldyn alý biryńǵaı saǵaty» aksııasy ótkizildi.
Sharaǵa sáıkes, Qaraǵandy memlekettik tehnıkalyq ýnıversıtetiniń bazasynda Memlekettik qyzmet isteri jáne sybaılas jemqorlyqqa qarsy is-qımyl agenttigi Qaraǵandy oblysy boıynsha departamentiniń qyzmetkerleri semınar ótkizdi. Onyń barysynda asa ózekti degen máseleler qaralyp, sybaılas jemqorlyqqa qarsy zańnamaǵa túsinik berildi.
Jıynda Departamenttiń Sybaılas jemqorlyqtyń aldyn alý basqarmasynyń bas mamany Ákim Saqtapbergen 2015-2025 jyldarǵa arnalǵan Sybaılas jemqorlyqqa qarsy strategııanyń negizgi qaǵıdalaryn jáne «100 naqty qadam» Ult josparyn túsindirý jáne júzege asyrý boıynsha júrgizilip jatqan jan-jaqty jumys týraly baıandama jasady. Odan bólek, memlekettik qyzmettegi ári turmystyq deńgeıdegi sybaılas jemqorlyq kórinisterimen kúresý nátıjeleri týraly qyzyqty statıstıkalyq derekter keltirdi. Ásirese joǵary oqý oryndaryndaǵy stýdentter men oqytýshylardyń oqý barysyndaǵy ózara qarym-qatynas etıkasyna qatysty týyndaıtyn máseleler men bolýy múmkin quqyq buzýshylyqtarǵa stýdentterdiń nazaryn aýdardy.
Qaraǵandy oblysy boıynsha aksııaǵa 300-ge jýyq stýdent pen oqytýshy qatysty.
Mıras ASAN, «Egemen Qazaqstan»
Qaraǵandy oblysy