Astana qalasynda Qazaqstan Respýblıkasy Tuńǵysh Prezıdentiniń mýzeıi bar. Ol Elbasynyń burynǵy Rezıdensııasynda ornalasqan. Mýzeı 2005 jyldyń 4 shildesinen bastap jumys istep keledi. Jalpy alańy 10000 sharshy metrden asady. Mýzeı ekspozısııalary tórt qabatty túgeldeı alyp jatyr.
Osynda Memleket basshysynyń ómir jolyna qatysty barlyq derekter jınaqtalǵan. Atap aıtqanda, Prezıdenttiń bala kezdegi fotosýretteri, ata-anasy qoldanǵan otbasylyq buıymdar, sheteldik memleket basshylary tarapynan tabystalǵan qundy syılyqtar men asa mártebeli nagradalar jáne taǵy basqalar.
Osylardyń arasynda Elbasy Nursultan Nazarbaev ár kezderi qoldanǵan qalamnyń birnesheýi de ekspozısııaǵa qoıylypty. Sonyń ishinde bizdiń nazarymyzdy erekshe tartqany – altyn saqınaly qara qalam. Bul jádiger dál qazir mekemeniń úshinshi qabatynda ornalasqan «Rámizder» zalynda tur
Mýzeı qundylyqtaryn esepke alý jáne saqtaý qyzmetiniń jetekshisi Zýlfııa Moldaǵarınovanyń aıtýyna qaraǵanda, bul qalammen Elbasy Nursultan Nazarbaev 1998 jyly 6 mamyr kúni «Aqmola qalasynyń atyn «Astana» dep ózgertý týraly» Jarlyqqa qol qoıypty.
Beken QAIRATULY, «Egemen Qazaqstan»
Sýretti túsirgen Erlan OMAR, «Egemen Qazaqstan»