Yntymaqtastyqty arttyrýǵa yntaly

Taraptar saýda-ekonomıkalyq yntymaqtastyqty damytý keleshegin, sondaı-aq Saýda-ekonomı­­­kalyq yntymaqtastyq jónindegi memleket­aralyq komıssııanyń qyzmetin qaıta bastaý múmkindigin talqylady. Eki el arasyndaǵy negizgi ózara is-qımyl baǵytynyń biri agroónerkásip kesheni bolyp qala beredi. Kezdesý barysynda elimizdiń birneshe óńirindegi sút sharýashylyqtary men Ýkraına sút óndirýshileri qaýymdastyǵy arasyndaǵy qalyptasqan áriptestik erekshe atap ótildi. Keıingi jyldary bul yntymaqtastyq asyl tuqymdy sútti mal jetkizý, zamana­ýı ta­ýarly sút fermalaryn basqarý, otandyq mamandardyń kásibı biliktiligin arttyrý baǵytynda naqty nátıjeler berip keledi.

Byltyrǵy qorytyndyda ózara taýar aınalymy 415,8 mln dol­la­r­ǵa jetip, ótken jylmen salys­tyr­­ǵanda 5,4 paıyzǵa artqan. Elimiz Ýkraınaǵa negizinen ferroqorytpa, ty­ńaıtqysh, kúrish sekildi ónimder eks­­port­taıdy. Al Ýkraınadan eli­miz­ge shokolad jáne kakao ónimderi, un men kondıterlik buıymdar, dári-dár­mek, sondaı-aq súzbe men irimshik jetkiziledi.

Kezdesý sońynda taraptar isker­lik baı­lanysty jandandyrýǵa, MAK qyz­metin jańǵyrtý joldaryn qaras­tyrýǵa ári basym baǵyttar boıynsha, ásirese agroónerkásip keshenindegi yntymaqtastyqty keńeıtýge kelisti.