El ishinde dombyrany serik etken ónerli jandar az emes. Sonyń qatarynda Isataı aýdanynyń ortalyǵy – Aqqystaý aýylynda mektep oqýshylarynan quralǵan «Ásemaı» ansambli bar. О́nerli órender el aýmaǵynda ótetin túrli baıqaýdan júldeli oralyp júr.
Al jaqynda qazaqtyń qaıtalanbas daryny Ámire Qashaýbaev án salǵan Parıj qalasynda ótken «ETOILES DE PARIS 2026» halyqaralyq óner baıqaýynda óner kórsetti. Jas talanttar óner dodasynda daýylpaz aqyn Mahambettiń «Eı, Mahambet, joldasym!» termesin, Asylhan Bultanovtyń «Qazaq eli jasasyn!» ánin oryndap, bas júldeni ıelendi.
Ansambl jetekshisi Ásem Baqytovanyń aıtýynsha, sheteldegi dodaǵa 10–14 jastaǵy 15 oqýshy alǵash ret qatysqan. О́nerli oqýshylarǵa qazaqtyń rýhyn janıtyn, otanshyldyq sezimin qalyptastyratyn týyndylar tańdalǵan.
«Oqýshylar el sahnasyna úırenip qalǵan ǵoı. Jas ónerpazdarǵa shetelde óner kórsetý ońaı emes. О́ıtkeni sheteldikterdiń talǵamy joǵary bolǵandyqtan, dombyramen terme oryndatýdy uıǵardyq. Degenmen, bizdiń ansambldiń bul jetistigi kezdeısoq emes. Budan buryn Aqtóbede «JasStar», Túrkistanda «Daraboz», Almatyda ótken «Atadan mura» qorynyń sýperfınalynda bas júldege ıe bolǵan edi», deıdi Ásem Baqytova.
Jas ónerpazdar elge oralar jolda Ystanbul áýejaıyna aıaldaǵan eken. Sol áýejaıda «Eı, Mahambet, joldasym» termesin áýeletip, ushaq kútken jolaýshylardyń yqylasyna bólendi.
Atyraý oblysy