О́zara senim jáne tıimdi yntymaqtastyq baǵytynda

Keshe Astanada Qazaqstan Respýblıkasynyń Qor­ǵa­nys mınıstri Ádilbek Jaqsybekov elimizge resmı saparmen kelgen Ýkraına áskerı delegasııasy jáne óziniń árip­tesi – Ýkraına Qorǵanys mınıstri Mıhaıl Ejelmen kezdesti. – Qazaqstan-Ýkraına áske­rı yntymaqtastyǵy 2005 jyl­ǵy Áskerı-tehnıkalyq yn­­tymaqtastyq týraly úki­met­aralyq kelisim jáne 1997 jyl­ǵy Áskerı yntymaq­tas­tyq jó­nindegi qorǵanys mınıstrlikteri arasyndaǵy kelisim sheń­be­rinde júzege asy­ry­lýda, – dedi Ádilbek Jaqsy­bekov. – Elbasy – Qazaqstan Respýb­lı­kasy Qarýly Kúsh­te­riniń Jo­ǵar­ǵy Bas qol­bas­shy­sy Nur­sul­tan Nazarbaev Ýk­raınamen basym salalarda, so­nyń ishinde, áskerı jáne áskerı-tehnı­kalyq salalarda seriktestik qatynastardy da­my­týǵa jáne yntymaq­tas­tyq­ty nyǵaıtýǵa úlken kóńil bó­lip keledi. Á.Jaqsybekov júıeli kezdesýlerdi ótkizý eki el armııa­synyń qarym-qatynastaryna úlken yqpal etetindigin atap ótip, Ýkraına tarapyn Qazaq­stan armııasyndaǵy jaǵdaı­men tanystyrdy. Osy oraıda, dedi Á.Jaqsybekov, búgingi tań­daǵy eń basty basymdyq­tardyń biri otandyq qorǵa­nys-óndiristik keshendi damy­tý bolyp tabylady. Osy má­tinde sheteldik seriktestermen, sonyń ishinde Qazaqstan qorǵanys vedomstvosy úshin mańyzdy seriktes bolyp ta­bylatyn Ýkraınamen áskerı-tehnıkalyq yntymaqtastyqqa úlken kóńil bólinedi. Yntymaqtastyqty ári qa­raı damytý jáne belsendiligin arttyrý, sondaı-aq eki eldiń qorǵanys vedomstvo­lary­nyń ózara áreket etýiniń quqyqtyq negizin qurý umty­lysynyń dáleli retinde bir­qa­tar qujattarǵa – Qazaq­stan Qorǵanys mınıstrligi men Ýkraına Qorǵanys mınıstrligi arasynda áskerı ynty­maq­tas­tyq týraly kelisimge, so­ny­men qatar 2012 jylǵa ar­nalǵan yntymaq­tas­tyq baǵ­dar­lamasyna qol qoıyldy. Qazaqstan Qorǵanys mınıstri Ýkraına Qorǵanys mınıstrin Astanada 2012 jyly 7 mamyrda ótkiziletin Qazaq­stan Qarýly Kúshteri qury­lýy­nyń 20 jyldyǵyn merekeleýine, sonymen qatar, Qa­zaq­stan armııasynyń merekelik kezeńi qarsańynda ekinshi qa­zaqstandyq halyqaralyq qa­rý-jaraq, áskerı tehnıka men áskerı-tehnıkalyq múlik kór­me­si «KADEX–2012-ge» de sha­qyrdy. Qazaqstan Qarýly Kúshteriniń búkil jeke qu­ramy atynan 6 jeltoqsanda 20 jyl tolýyna oraı Ýkraına Qarýly Kúshteriniń qurylý kúnimen quttyqtady. Oksana PARPÝRA, Qorǵanys mınıstrligi baspasóz  qyzmetiniń ókili.