Áýeli 18 mıllıondy oılaýymyz kerek

Birikken Ulttar Uıymynyń esepteýinshe, Jer sharynyń 7 mıl­lıardynshy turǵyny dúnıege keledi degen aqparat qostanaı­lyqtardy da eleń etkizgen edi. 31 qazan kúni túnde saǵat 00.20-da Qostanaı aýdanyndaǵy muǵalim­der Erkebek pen Beıbit Golda­rı­diń otbasynda eki birdeı ul dú­nıe­ge keldi. Bireýiniń salmaǵy 2,570, ekinshisiniki 1,917 kılo boldy. Sol táýlikte Qostanaı oblysy boıynsha 33 náreste ómirge keldi. 7 mıllıard adamnyń Jer betine kóptigi aıtylyp jatyr. Al Qa­zaqstannyń óz mejesi bar. Prezıdentimiz aıtqandaı, qazaqstan­dyq­tardyń qatary 2020 jylǵa deıin 16 mıllıonnan 18 mıllı­on­ǵa jetýi tıis. О́tken jyly oblys­ta 12 943 bala týǵan. Oblystyń bas akýsher-gınekology Ivan Iаn­senniń aıtýynsha, bıyl da deńgeı munan tómen bolmaıtyn kórinedi. «Bul az emes, biraq 18 mıllıonǵa jetýdi oılasaq kóp te kórsetkish emes. Kelinder osy jaǵyn oılaýy kerek», deıdi Ivan Abramovıch. Názıra JÁRIMBETOVA, Qostanaı.