«AvtoVAZ» Altaıǵa bet burdy

О́skemenge «AvtoVAZ» ashyq aksıonerlik qoǵamy­nyń prezıdenti Igor Komarov bastaǵan delegasııa keldi. Reseılik qýatty kó­lik kásiporny basshysynyń Shyǵysqa kelýdegi maqsaty – avtomobıl shyǵarý jáne satý boıyn­sha «AvtoVAZ» AAQ, «Azııa Avto» AQ pen «Ertis» korporasııasy ara­syn­daǵy strategııalyq seriktestik memo­randýmyna qol qoıý. Úshjaqty kezdesý aı­maq basshysy Berdibek Sa­par­baevtyń qatysýymen ótti. Basqosý barysynda ob­lys ákimi qonaqtar men res­mı seriktesterge óńirde júzege asyrylyp jatqan bıznes pen óndiristi damy­tý­dyń memlekettik baǵdar­lamalary jóninde, sony­men qatar «Ertis» áleýmet­tik-kásipkerlik kor­porasııa­sy týraly baıandap, Úkimet­tiń avtomobıl óndirý sala­syn damytýǵa múddeli ekenin atap ótti. Biz Qazaqstanmen jáne se­riktesimiz «Azııa Avto» zaýy­tymen senimdi qarym-qaty­nastar qalyptas­tyr­dyq, son­dyqtan О́skemende jańa ón­diris ornyn qurýǵa mol múm­kindikter baryn baǵam­dap otyrmyz. Munda jyl saıyn kólik satý kólemi kóbeıip keledi. Qazaqstan rynogynyń keleshegi kemel ekenine biz aıqyn kóz jetkizdik. Elde jan basyna shaq­qandaǵy avtokólik sany áli de arta túspek, al avtomobıl rynogyn jańalap otyrý zamanaýı mashınalar shyǵarýdy qajet etedi. To­lyq sıkldi óndiris tek satylym men ishki jalpy ónimdi ósirýge ǵana emes, sondaı-aq, jańa jumys oryn­­daryn ashýǵa da múm­kindik bermek. Avtomobıl óner­kásibi metallýrgııa men mu­naı hımııasynan bastap, elektronıka men joǵary teh­nologııalarǵa deıingi túr­li salalardy damyta oty­ryp, ǵylymdy da órkendete alady. Bizdiń birlesken jo­bamyz qoldaýǵa ıe bolyp, zor tabys ákelýi tıis,  dedi óz kezeginde Igor Komarov. Memorandýmǵa qol qoıý aldynda avtokonsern bas­shysy bolashaq kásiporyn­nyń aýmaǵyn kórip qaıtty. Bul alańdy oblys ákimdigi Úkimet pen «Azııa Avto» aksıonerlik qoǵamy arasynda qol qoıylǵan elimizde eń iri avtoónerkásip klasterin qurý týraly kelisimniń aıa­synda bólgen. Atalmysh aýmaqta jylyna 120 myń kólik shyǵaratyn qýaty bar óndiris kesheni salynady, munda dánekerleý, avtomobıl shanaǵyn syrlaý jáne qosalqy bólshekter jasaý sehtary bolady. «AvtoVAZ» prezıdenti daıyndyq jumystarynyń barysymen jiti tanysyp, zaýyt aýmaǵynyń óte sátti ornalasqanyna mán berdi, sonymen qatar ol, «Azııa Avto» prezıdenti Erjan Mán­dıevpen jáne «Bıpek Avto» kompanııalar toby dırektorlar keńesiniń tór­aǵasy Anatolıı Balýshkınmen birlesken jumystardy atqarý máselesin keńinen talqylady. Rynoktaǵy suranystyń ósý qarqynyn esepke ala otyryp óndiristiń birinshi kezeńin (jylyna 90 myń avtokólik) 2015 jyly, ekin­shi kezeńin (qosymsha jy­lyna 30 myń avtokólik) 2017 jyly iske qosý josparlanýda. Bolashaq kásip­orynnyń ónimi negizinen Reseıdiń Sibiri men Qıyr Shyǵysyna jáne Ortalyq Azııa, Kavkaz elderine ót­kizilmek. Keler jyl jańa óndiris ornyn jobalaý jumystary jalǵasady. О́skemende eń kóp taraǵan jáne tanymal modelder jasalmaq. Atap óterligi, «Lada» avtokólik­te­riniń baǵasy burynǵy­syn­sha qoljetimdi bolyp qala beredi, al sapasy jańa deńgeıge kóterilýi tıis. О́zi­niń tolyq qýatyna jetkende bul joba elimizdiń mashına jasaý salasyndaǵy eń iri jobaǵa aınalady. Ol ishki jalpy ónimdi shamamen 1,5 mıllıard dollarǵa ósirip, jyl saıyn memleket qazynasyna salyq retinde 87 mıllıon dollar qarjy quıyp otyrady. Úshjaqty kelisimge «Ertis» korporasııasynyń qa­ty­sýy jóninde aıtar bol­saq, korporasııa tóraǵasy­nyń birinshi orynbasary Ve­ra Sýhorýkovanyń aıtýyn­sha, birden-bir aksıoner – oblystyq ákimdiktiń sheshimine saı olar birinshi kezekte jarǵylyq kapıtalǵa úles qosady, odan ári barlyq memlekettik qoldaý shara­lary «Ertis» arqyly iske asyrylady. «AvtoVAZ» prezıdenti Astanada bolyp, Premer-Mınıstr Kárim Má­simov­pen, Indýstrııa já­ne jańa tehnologııalar mınıstri Áset Isekeshevpen kezdesti, oǵan ShQO ákimi de qa­tysty. Kezdesýler kezinde taraptar kásiporyn ónimin kórshi­les elderge shyǵarý, «AvtoVAZ» ben «Azııa Avto» kásiporyndarynyń birlesken jobasyna memlekettik qoldaý kórsetý má­sele­lerin talqyǵa saldy. In­ves­tısııanyń jalpy kólemi 514 mıllıon AQSh dolla­ryn quraıdy. Jańa zaýyt óziniń jobalyq qýa­tyna jetkende on eki myń jumys orny qury­lyp, jy­­­­lyna eks­port­qa   1 mıl­lıard­­­­­­tan astam dol­lardyń óni­min shyǵarady. Ońdasyn ELÝBAI, О́skemen.