Eńbek – ómir qýaty

Seksenniń seń­girine kelgen ustazdyń júrisi shıraq, daý­ysy jas adamnyń daýysyndaı. Jas kórinýiniń syry nede eken degen oıǵa qaldym. Bul, eń aldymen adam­nyń tegine, ómir súrý ortasyna jáne mamandyǵyna baılanysty bolsa kerek. Mamandyqqa baılanysty degenime tań qalatyndar da, daý aıtatyndar da tabylar. Meniń oıymsha, bul birden-bir eskeriletin dúnıe. Adamnyń jas kórinýine birden-bir áser etetin mamandyqtyń biri – muǵalim. Sebebi muǵalim jetkinshektermen jumys isteıdi, balalardyń qýanyshty júzderin kórip, birge qýanady. Demek qýanyshy eselene túsedi. Árıne muǵalim bolý, bala tárbıeleý – qıyn da jaýapty is. Sol qıyndyqpen birge qýanyshy da eki ese kóp. Buǵan jastardyń kúmáni bolmaýy kerek. Jastarda qýat kózi bar. Jastardyń ortasynda rýhtanasyz, qanattanasyz, qartaımaýǵa tyrysasyz. О́mirdegi asyl mamandyq – muǵalimniń aldynan prezıdent te, ákim de, ǵalym da ótedi. Sondyqtan ár adam jastyq shaǵymen birge muǵalimin de esine alary anyq.

Al Ǵalııa Kárimjanqyzy muǵalim­der­diń muǵalimi boldy. Keleshek muǵa­lim­derdi oqytty, tárbıeledi. Qyryq jyl­dan astam ýaqytyn muǵalimdikke arna­ǵan ol ózi de muǵalimder otbasynda dúnıege kelgen bolatyn. Bul týraly bir­de «Meniń ákem de, anam da óz ómir­le­rin bala oqytýǵa sarp etti. Ju­mys­­ta­ryna adal boldy. Dastar­qan basyn­da únemi shákirtteriniń jetistikteri tý­ra­ly aıtyp otyratyn. Men de sol kisi­ler­deı bolǵym keletin. Anam Shárban Hasanqyzy aǵartý isiniń úzdigi boldy. Birde anamdy kóp jyldyq adal eńbegi úshin tósbelgimen marapattady. Bul meniń tańdaýymdy odan saıyn naqtylaı tústi», degen edi. 

Ǵalııa Kárimjanqyzy Abaı atyn­daǵy Qazaq pedagogıkalyq ınstıtýtyn tá­mam­­dap, ınstıtýt rektory Málik Ǵabdýl­lın­niń óz qolynan dıplomyn alǵan soń oqý or­nynyń joldamasymen týǵan eli Kók­­she­taýǵa qaıta oraldy. Jer­gilikti teh­nı­kým­da orys tili páni­nen sabaq berdi. О́zi sııaqty Almaty me­dısınalyq ınstıtýtyn aıaqtap, jol­damamen dáriger bolyp ju­mys istep júrgen jigitke turmysqa shyq­ty. Kúıeýi Tóleýhan Bertishanov qyz­met babymen Pavlodarǵa aýysqanda, Ǵalııa Kárimjanqyzy partııa joldamasymen alǵashqyda №9 kásibı lıseıde dırektordyń oqý-tárbıe isi boıyn­sha orynbasary bolsa, bir jyldan soń V.Vorovskıı atyndaǵy Pavlodar pe­da­gogıkalyq ýchılıshesine (qazirgi Beı­sen Ahmetov atyndaǵy Pavlodar peda­go­gı­kalyq kolledjine) ustazdyq qyzmetke kel­­di. Al ómirlik qosaǵy qala aýrýhanasyn­da ishki aǵzaǵa ota jasaýshy hırýrg bolyp eńbek etti. Demek ekeýiniń de jumys­ta­ry adam ómirimen baılanysty boldy. 

«Qazir bilimniń jańa júıesi qa­lyp­tasýda. Sheteldiń oqý júıeleri men tájirıbeleri engizilýde. «Elý jylda – el jańa» degen osy. Dese de teledı­dardan kó­retin muǵalim men oqýshy ara­syn­daǵy túrli keleńsizdikterdi sanamyz qa­byl­daı alar emes. Munyń bári adamnyń tym áleýmettenip ketýinen deýge bola­dy. Sondyqtan bir sát bir-birimizge degen qurmetimizdi, iltıpatymyzdy, ada­mı qarym-qatynasymyzdy esten shyǵar­ma- ı­yq», deıdi ardager ustaz.

Ǵalııabaný REZÝANOVA, fılologııa ǵylymdarynyń kandıdaty