Qazaqstan-Grekııa Ekonomıkalyq jáne tehnologııalyq yntymaqtastyq jónindegi úkimetaralyq komıssııasynyń tóraǵalary, Qazaqstan Respýblıkasy Syrtqy ister mınıstriniń orynbasary Roman Vasılenko men Astanaǵa jumys saparymen kelgen Grek Respýblıkasy Syrtqy ister mınıstriniń birinshi orynbasary Georgıos Katrýgalos ekijaqty saıası jáne saýda-ekonomıkalyq yntymaqtastyqtyń ózekti aspektilerin talqylady. Grek delegasııasynyń quramyna isker toptardyń ókilderi kirdi.
Kelissózder Astana men Afına arasynda ekijaqty yntymaqtastyqtyń barlyq kesheni boıynsha ózara túsinistikti rastady. Birlesken jumystyń perspektıvalyq baǵyttary anyqtalyp, ekonomıkalyq jáne ınvestısııalyq ózara árekettestikti tereńdetý jobalary qarastyryldy.
Eýropalyq odaqtyń Qazaqstan azamattary úshin vızalyq rejimdi jeńildetý máselesine de nazar aýdaryldy. Taraptar vızalyq rásimderdi ońaılatý Eýroodaq pen Qazaqstan arasynda iskerlik, bilim, mádenı jáne týrıstik baılanystardy keńeıtýde ózara múddelerge saı keletinin biraýyzdan maquldady.
Halyqaralyq kún tártibiniń ózekti máseleleri boıynsha keńinen pikir almasyldy, sonyń ishinde Qazaqstannyń BUU Qaýipsizdik Keńesiniń turaqty emes múshesi retindegi qyzmeti, Sırııadaǵy jaǵdaıdy retteý jónindegi Astana prosesi, Eýropalyq odaq pen Eýrazııalyq ekonomıkalyq odaq arasyndaǵy ózara árekettestiktiń perspektıvalary jáne t.b. baǵyttar bar.
Sapar sheńberinde Qazaqstan Respýblıkasynyń Investısııalar jáne damý vıse-mınıstri Arystan Qabykenov pen Georgıos Katrýgalostyń qatysýymen eki eldiń 100-ge jýyq kásipkerlerin biriktirgen Qazaqstan-Grekııa bıznes-forýmy ótkizildi. Is-shara barysynda Qazaqstannyń Syrtqy saýda palatasy men «SEV» Grekııa kásiporyndary federasııasy yntymaqtastyq týraly kelisimge qol qoıdy.
Sonymen qatar G.Katrýgalostyń Qazaqstan Respýblıkasy Aýyl sharýashylyǵy vıse-mınıstri Gúlmıra Isaevamen jáne «Astana» halyqaralyq qarjy ortalyǵynyń basqarýshysy Qaırat Kelimbetovpen kezdesýleri ótti.
G.Katrýgalos Qazaqstannyń Mıtropolıttik aımaǵynyń ákimshilik ortalyǵy men Ýspen kafedraldy soboryna bardy. Olardy aralaý barysynda grekııalyq meıman Memleket basshysy Nursultan Nazarbaevtyń qoldaýymen salynǵan qurylystyń tarıhymen tanysty. Grekııa Syrtqy ister mınıstriniń birinshi orynbasary elimizdiń ultaralyq beıbitshilik pen dinaralyq kelisimdi nyǵaıtý boıynsha jetistikterin joǵary baǵalady.
Aıta ketetin bolsaq, 2017 jyly Qazaqstan men Grekııa arasyndaǵy taýar aınalymy 2016 jylmen salystyrǵanda 10,6% ósti (980,6 mln doll.)
Qazaqstannan Grekııaǵa negizgi eksporttalatyn ónimder kómirsýtegi, dándi daqyldar, tuz, topyraq, tas, gıps, sement, mys jáne t.b. bolyp tabylady.
О́z kezeginde, Grekııadan Qazaqstanǵa hımııalyq jáne metallýrgııalyq ónerkásip ónimderi, plastık, ton jáne toqyma buıymdary, aıaq-qıim, mehanızm men jabdyqtar, elektrondy materıaldar, velosıped jáne t.b. ımporttalady.