Aýǵanstanǵa kómek máselesi talqylandy

Syrtqy ister mınıstrliginde Qazaqstan­nyń syrtqy saıasat vedomstvosynyń BUU Damý baǵd­arlamasymen (BUU DB) jáne Japon­­ııa ha­lyq­aralyq yntymaqtastyq agent­ti­gi­men (JICA) áriptestikte iske asyryp jat­qan «Aýǵanstan men DRK (Damýǵa resmı kómek) salasyndaǵy yntymaqtastyǵyna Qazaqstanǵa járdemdesý» jobasyn basqarý komıtetiniń II otyrysy ótti. Jobany iske asyrý týraly ýaǵdalastyq Qazaq­stan Prezıdenti Nursultan Nazarbaev pen Japonııa Premer-mınıstri Sındzo Abeniń 2015 jylǵy qazandaǵy birlesken málim­demesinde bekitilgen bolatyn.

Is-sharada SIM Syrtqy ekonomıkalyq saıa­sat departamentiniń dırektory – jobanyń ult­tyq úılestirýshisi Oljas Isabekov, Aýǵan­stannyń Qazaqstandaǵy Tótenshe jáne óki­letti elshisi Kadam Shah Shahım, BUU Damý baǵ­dar­lamasynyń Qazaqstandaǵy turaqty ókiliniń orynbasary Mýnhtýıa Altangerel, Japonııa elshiliginiń dıplomattary jáne elimizdiń memlekettik organdary men uıymdarynyń ókilderi qatysty. Semınarǵa arnaıy qatysý úshin JICA-nyń Tokıodaǵy shtab-páteriniń sarapshylary, sondaı-aq Japonııa agenttiginiń Bishkektegi óńirlik keńsesiniń ókilderi keldi.

О́ziniń alǵy sózinde O.Isabekov otyrysqa qatysýshylardy elimizde damýǵa resmı kómek (DRK) ulttyq júıesin qalyptastyrý boıynsha júrgizilip jatqan is-sharalar týrasynda habardar etti. DRK salasyndaǵy qazaqstandyq qanatqaqty jobalardy iske asyrý máseleleri boıynsha Qazaqstannyń halyq­aralyq áriptestermen, sonyń ishinde JICA, BUU DB-men joǵary deńgeıdegi ózara is-qımyldy erek­she atap ótti. Ol bolashaqta bul salada ja­ńa qanatqaqty jobalardy iske asyrý boıyn­sha birlesken jumys júrgizýge qatysty qazaq­standyq taraptyń daıyn ekendigin bildirdi.

Otyrys aıasynda BUU DB ókildiginiń joba menedjeri Genadıı Raý atalǵan jobany iske asyrý barysyndaǵy 2017 jyly oryndal­ǵan jumys týraly tanystyrylym ótkizdi. Sonymen qatar ol otyrysqa qatysýshy­lardy 2018 jylǵy 30 naýryz – 12 sáýir aralyǵynda Astana qalasynda Aýǵanstannyń memlekettik qyzmetkerleri men úkimettik emes uıymdary ókilderine arnalǵan Ana jáne bala densaýlyǵyn saqtaý semınaryn ótkizýdi kózdeıtin 2018 jylǵa arnalǵan jumys josparymen tanystyrdy.

Jalpy bul jobanyń biregeıligi – mem­lekettik basqarý jáne densaýlyq saqtaý salalarynda aýǵan mamandarynyń áleýetin arttyrýmen qosa, elimizdiń memlekettik organ­dary ókilderiniń DRK salasyndaǵy sarap­shylyq áleýetin damytý bolyp tabylady. Buǵan deıin atalǵan joba aıasynda Qazaqstan memlekettik organdary ókilderiniń Dýshanbe, Bishkek jáne Tokıoǵa tanystyrý saparlary uıymdastyrylǵanyn atap ótken jón,  dep habarlady SIM-niń baspasóz qyzmeti.