Elimizdiń Energetıka mınıstri Qanat Bozymbaev – «Bogatyr» JShS jáne «Evroazııattyq Energetıkalyq korporasııa AQ» qa qarasty «Shyǵys», Baıanaýyldaǵy «MaıkóbenVest» JShS kómir kenishterin aralady. Sapar barysynda oblys ákimi Bolat Baqaýov birge júrdi.
- Ekibastuzda jıyn ótkizip, osy jerdegi jaǵdaımen tanystyq. «Shyǵys» jáne «Bogatyr» kenishteri eki jyldyń ishinde qýattylyǵyn arttyrǵan. Aıaz saldarynan keıbir óńirlerde kómir tapshylyǵy týyndaǵan edi. Ekibastuzdyq kenishter toqtaýsyz jumys jasaǵan. Úkimet otyrysynda ákimderge tapsyrma da berildi. Másele baqylaýda,-deıdi Bozymbaev.
- О́tken jyly kómir kenishi tutynýshylarǵa 40 mıllıon 900 myń tonna kómir jetkizgen. Kómirdiń 60 paıyzy eksportqa jumsalsa, qalǵan 40 paıyzy elimizdiń ishki naryǵyna jiberiledi. Bıylǵa 41 mıllıon tonna kómir óndirý josparlanyp otyr , - deıdi «Bogatyr kómir» JShS-niń bas dırektory Marat Abdyǵulov.
– Kommýnaldyq-turmystyq kómirdiń baǵasy bir tonna úshin 2133 teńge. Basqa óńirlerdegi kómir tapshylyǵyna baılanysty jaılardyń «Bogatyr» kenishine qatysy joq. О́ıtkeni,bizdiń tutynýshylarymyz - GRES,-ter, Jylý ortalyqtary, qazandyqtar,-deıdi.
Jalpy, kásiporyn kómirmen Pavlodar, Solústik Qazaqstan jáne Aqmola oblystaryn qamtamasyz etedi. Bıyl sıkldi-aǵymdy tehnologııa boıynsha kómir óndirý qaıta qalypqa keltirildi. 2021 jyly alǵashqy, 2023 jyly ekinshi kezeńi aıaqtalady. 2019 jyly «Bogatyr» kenishinde baıytý fabrıkasyn iske qosylmaq.
Al, «Shyǵys» kenishiniń basshylyǵy Q. Bozymbaevqa tutynýshylarǵa kómir tasymaldaý boıynsha qıyndyq týyndamaıdy dep málim etti.
- 2017 kómir óndirý 17 mıllıon tonnany qurady. Barlyq ınfraqurylymdy damytý boıynsha josparlar bar. Investısııalyq jobalar jalǵasýda. Qazirgi kúni bizde ákimshilik-turmystyq kombınattyń qurylysy júrgizilýde. Korporasııa Ekibastuzda turǵyn úı qurylysyn júrgizýde,-dedi kenish dırektory Iýrıı Goncharov.
Kenish bıyl túıirshiktelgen kómir boıynsha jańa jelini iske qosýdy josparlaýda. Budan kómirdi az jaǵý arqyly jylýdy kóbirek alýǵa bolady.
Farıda Byqaı
«Egemen Qazaqstan»
Pavlodar
Sýret: baspasóz qyzmetinen