Kerı Tagava, Maıkl Medsen, Baı Lın, Mark Dakaskos jáne Erık Roberts syndy Gollıvýd juldyzdary búgin О́skemenge keldi.
Olardy óńirge bastap kelgen akter, rejısser Erken Elgashev pen akter, prodıýser Arman Asenov álemge áıgili akterler Shyǵys Qazaqstan týraly derekti fılmge túsý úshin arnaıy shaqyrylǵandyǵyn aıtady. Osy sapar barysynda olar oblystyń tórt aýdany men burynǵy Semeı polıgony aýmaǵynda bolyp, aımaqtyń tarıhı jerlerin aralamaq.
«Elbasymyzdyń jaqynda Amerıkaǵa jasaǵan sapary álem nazaryn Qazaqstanǵa aýdardy desek artyq aıtpaǵan bolarmyz. Osy akterler arqyly ulttyq qundylyqtarymyzdy, qasıetti jerlerimizdi kúlli dúnıe júzine pash etýdi josparlap otyrmyz. О́ıtkeni, qazir jańa tehnologııa zamany. Máselen, Shyǵys Qazaqstanǵa kelgen Baı Lınniń áleýmettik jelidegi bir ǵana fotosy 60 mıllıon laık jınaıdy eken. Osyndaı akterler elimizdiń kórkem tabıǵatyn álem nazaryna usynsa, budan utpasaq, utylmaıtynymyz anyq», - deıdi Arman Asenov.
Gollývýd akterlerin búgin oblys ákimi Danıal Ahmetov qabyldap, olarǵa Shyǵys Qazaqstandy jan-jaqty tanystyryp, saparlaryna sáttilik tiledi. Aıtpaqshy, shet elden kelgen meımandarǵa óziniń til biletinin kórsetkisi keldi me, álde qonaqtarǵa túsinikti bolsyn dedi me, aımaq basshysy kezdesýdi aǵylshynsha bastap, ary qaraı oryssha jalǵastyrdy.
Azamat QASYM, «Egemen Qazaqstan»