Italııada ótip jatqan 2026 jylǵy Olımpıada oıyndary aıasynda bıatlonnan erler arasyndaǵy sprınt jarysy aıaqtaldy, dep habarlaıdy Egemen.kz.
Qatysýshylar 10 shaqyrym qashyqtyqty eńserip, eki atý aılaǵynan ótti.
Bul jarysta Qazaqstan quramasynan eki sportshy baq synady. Vladıslav Kıreev eki ret nysanadan múlt ketip, 51-orynǵa turaqtasa, Áset Dúısenov te eki qatelik jiberip, 61-orynda máre syzyǵyn kesti.
Aıta keteıik, Kıreev sprınt qorytyndysy boıynsha úzdik 60 bıatlonshynyń qataryna enip, iz kesý jarysyna joldama aldy.
Fransııa ókili Kenten Fııon Maıe Olımpıada chempıony atandy. Kúmis júlde norvegııalyq Vetle Shostad Krıstıansenge buıyrsa, qola medaldi taǵy bir norvegııalyq Stýrla Legreıd ıelendi.