Ortalyq saılaý komıssııasy Parlament Májilisiniń depýtatyn tirkedi.
2018 jylǵy 13 aqpanda «Nur Otan» partııasy Saıası keńesiniń Bıýro qaýlysymen taǵaıyndalǵan Parlament Májilisiniń depýtatyn tirkeý jónindegi QR Ortalyq saılaý komıssııasynyń otyrysy ótti.
Qazaqstan Respýblıkasy Parlamenti Májilisiniń depýtaty Myńbaı Darhan Qamzabekulyn tirkeý jónindegi QR OSK qaýlysy qabyldandy.
D. Myńbaıǵa QR Parlamenti Májilisiniń depýtatynyń kýáligi men tósbelgisi tabystaldy.
«Qazaqstan Respýblıkasynyń Parlamenti jáne onyń depýtattarynyń mártebesi» týraly Konstıtýsııalyq zańǵa sáıkes saılanǵan depýtat tirkeýden ótken soń óz ókilettigine kirisedi.