2017 jyly terrorızm men dinı ekstremızmdi, sýısıd, zorlyq-zombylyqty nasıhattaıtyn 9 myńǵa jýyq saıt jumysy toqtatylǵan. Bul týrasynda Aqparat jáne kommýnıkasııalar mınıstrliginiń keńeıtilgen alqa otyrysynda baıandama jasaǵan mınıstr Dáýren Abaev habarlady.
«Mınıstrlik aqparattyq keńistikte tıisti zańnyń saqtalýyn qamtamasyz etý boıynsha jumysty jalǵastyrady. О́tken jyly terrorızm men dinı ekstremızmdi, sýısıd, zorlyq-zombylyqty nasıhattaıtyn 9 myńǵa jýyq saıt jumysy toqtatylǵan. Áleýmettik jelilerde osy saryndaǵy 230 myń materıal joıyldy», dedi ol.
Esterińizge sala ketsek, Astanada Premer-mınıstrdiń orynbasary Asqar Jumaǵalıevtiń, mınıstr Dáýren Abaevtyń qatysýymen Aqparat jáne kommýnıkasııalar mınıstrliginiń keńeıtilgen alqa májilisi ótip jatyr. Onda mınıstr memlekettik tapsyrys aıasynda byltyr 40 serıal túsirilgenin habarlady. Sonymen qatar Dáýren Abaevtyń aıtýynsha, bıyl Mańǵystaý men Jambyl oblystaryna sıfrlyq efırlik tele-radıo habarlaryn taratý júıesi engizilmek.
Aıa О́mirtaı,
"Egemen Qazaqstan"