Qyzylorda oblysynyń kásipkerlik jáne týrızm basqarmasyna jańa basshy keldi. Endi bul qyzmetti Namaev Baqytjan Biláluly atqaratyn bolady, dep habarlady QazAqparat.
Baqytjan Namaev 1964 jyly týǵan. S.Kırov atyndaǵy Qazaq memlekettik ýnıversıtetiniń «Saıası ekonomııa», Q. Sátpaev atyndaǵy Qazaq ulttyq tehnıkalyq ýnıversıtetiniń «Munaı-gaz qubyrlary men qoımalaryn jobalaý, salý jáne paıdalaný» mamandyqtary boıynsha bilim alǵan.
Sonymen birge, M.V. Lomonosov atyndaǵy Máskeý memlekettik ýnıversıtetiniń aspırantýrasyn bitirgen. Ekonomıka ǵylymdarynyń kandıdaty.
Eńbek jolyn 1985 jyly О́skemen qurylys-jol ınstıtýty jalpytehnıkalyq fakýltetiniń assıstenti retinde bastaǵan.
О́ziniń eńbek jolynda Baqytjan Biláluly jeke sektor men «QazMunaıGaz» ulttyq kompanııasynyń júıesinde jaýapty basshylyq laýazymdarda qyzmet atqarǵan.
Osy qyzmetke taǵaıyndalmas buryn, ol «Batýmı munaı termınaly» kompanııasynyń bas dırektory laýazymynda bolǵan.