Búgin Úkimet otyrysynda Premer-Mınıstr Baqytjan Saǵyntaev orynbasary ári Aýyl sharýashylyǵy mınıstri О́mirzaq Shókeevke kóktemgi egistik jumystaryn der kezinde bastaýdy tapsyrdy, dep habarlaıdy QazAqparat.
«Kóktemgi egistik jumystaryna baılanysty Úkimet tarapynan is-sharalardyń barlyǵynyń sheshimi tabylyp, qabyldandy. Qarjy bólý, janar-jaǵarmaı, tyńaıtqysh máselesi sheshildi. Endi baqylaýǵa alyp, jumysty ýaqytynda bastap ketý, О́mirzaq Estaıuly (QR Premer-Mınıstriniń orynbasary - Aýyl sharýashylyǵy mınıstri- avt.) sizdiń baqylaýyńyzda», - dedi Úkimet basshysy.
Aıta keterligi, Úkimet otyrysynda QR Aýyl sharýashylyǵy birinshi vıse-mınıstri Arman Evnıev kóktemgi egistik jumystary jaıynda baıandama jasady.
Onyń aıtýynsha, 2018 jyly egis alqaptary 21,8 mln gektardy quramaq. Bul is júzinde ótken jylǵy deńgeıde. Dándi daqyldardy 14,7 mln gektar alqapqa sebý josparlanýda, onyń ishinde bıdaı - 11,4 mln gektar. Sonymen qatar, ol aǵymdaǵy jyly dıqandardyń kóktemgi dala jumystaryna arnalǵan dızel otynyna degen qajettiligi 370 myń tonnany quraıtyndyǵyn aıtty.