Naýryz meıramy oblys ortalyǵy – О́skemende keń kólemde, qalanyń árbir yqsham aýdanynda atalyp ótip jatyr. Shahardaǵy osyndaı merekelik sharalardyń birin búgin B.Aleksandrov atyndaǵy Sport saraıy janynda «Qazsınk» kompanııasy uıymdastyrdy.
Sport saraıynyń qasyna jıylǵan qalalyqtar altybaqan teýip, tegin taratylǵan palaýdan dám tatyp, ártúrli sporttyq saıystarǵa qatysty. Merekeni tamashalaýǵa kelgen halyqty «Torpedo» komandasynyń hokkeıshileri de quttyqtap, quttyqtap qana qoımaı ártúrli taqyryptyq baıqaýlar uıymdastyryp, jeńimpazdarǵa syılyqtar tapsyryp, jankúıerlerimen birge sýretke túsip, qoltańba berdi. «Bizdiń kásiporyn osy jerde jyl saıyn Naýryz merekesin ótkizýdi dástúrge aınaldyrǵan. Turǵyndar da muny jaqsy biledi. Biz merekelik sharany meılinshe qyzyqty qylyp ótkizýge tyrysamyz. Balalardyń da, jastardyń da, jasamys kisilerdiń kóńilin kótergimiz keledi. Bıyl «Torpedo» hokkeı klýbynyń hokkeıshilerimen birge shahar turǵyndaryn shýaqty meırammen quttyqtadyq. Eń bastysy, halyq rıza. Bizge keregi de – osy», - deıdi «Qazsınk» JShS-niń áleýmettik máseleler jónindegi atqarýshy dırektory Andreı Lazarev.
Merekelik shara aıasynda «eń úlken baýyrsaq» baıqaýy ótip, salmaǵy 6 keli, eni 90 santımetr baýyrsaq pisirip ákelgen qala turǵyny Natalıa Dıatlova jeńimpaz atanyp, syılyqqa teledıdar aldy. «Baıqaýdyń ótetinin ınstagramm jelisi arqyly bildim. Bul baýyrsaqty qurbymmen birge 6 saǵat kóleminde pisirdik. Jeńimpaz atanǵanyma qýanyshtymyn», - deıdi ol.
О́ńirdegi eń iri óndiris orny qala turǵyndarynan bólek ózderiniń qyzmetkerlerine arnap О́skemen metallýrgııalyq kesheninde merekelik shara ótkizipti. «El ıgiligi jolynda eseli eńbek etip júrgen jumysshylarymyzdy nazardan tys qaldymaıyq dep osyndaı shara uıymdastyrdyq. Shaqyrylǵan ánshilermen qatar ózimizdiń ónerli qyzmetkerlerimiz de ónerlerin pash etti. Balalarǵa arnaıy alańqaı jasadyq. Merekeni otbasymen, jaqyn adamdarmen, áriptestermen qarsy alǵanǵa ne jetsin?!», - deıdi «Qazsınk» JShS atqarýshy dırektory Turarbek Ázekenov.
Azamat QASYM,
«Egemen Qazaqstan»
О́SKEMEN
Sýretterdi túsirgen Tileýbek ShAIаHMET