Avtoturaq aqysyn tólemeýge qatysty quqyq buzýshylyqtardyń oqıǵalarymen 2888.kz/kz saıtynda tanysýǵa bolady. Kólik ıeleri avtoturaq aqysyn tólemegen kólik quraldary nómirleriniń tizimi kún saıyn jańaryp otyrady, dep habarlaıdy «Parkovochnoe prostranstvo Astany» JShS.
Seriktestikte belgili bolǵandaı, Nurjol jelekjolyndaǵy aqyly avtoturaqqa 2 aı ishinde 3 myńnan astam kólik basqarýshy óz kóligin qoıǵan. Olardyń basym bóligi aqyly avturaqtyń belgisin elemeı, avtoturaqqa kóligin qoıǵan ýaqyty úshin aqy tólemepti.
«QR ÁQbK-niń 597 «Toqtaý jáne kólik quraldaryn turaqqa qoıý» baby boıynsha avturaq aqysyn tóleýden jaltarǵandar 3 AEK kólemindegi aıyppulǵa kesiledi. Bir jyl ishinde atalmysh quqyq buzýshylyq qaıta jasalǵan jaǵdaıda tólenetin aıyppuldyń kólemi 5 AEK-ke deıin artady.
2018 jyly 1AEK mólsheri 2405 teńgeni quraıdy», - delingen taratylǵan habarlamada.
Aıta keteıik, Nurjol jelekjolyndaǵy aqyly avtoturaqta 487 oryn bar. Munda 12 parkomat jumys isteıdi.